Porrons, qant il estudier Voloit en la philosophie Du Tulle pour le beau p_ar_ler; Mais dieus l’en fesoit chastier, Pour ce q_ue_ vain fuist sa clergie. Prodhom_m_e qui science quiert Du vanité point ne requiert, Ainçois la quiert p_ar_ tiel endroit Q’il fait tout ce q_ue_ meulx affiert; 14680 Du siecle nul loer adquiert Du bien, d’onour, plus q’il ne doit. Gregoire dist, ‘Com_m_ent que soit, Qui bien sciet et mal se po_ur_voit Du p_ro_pre main soy naufre et fiert; Mais qui science tient au droit, Le corps en est yci benoit,[398] Et l’alme paradis conquiert.’ C’est la science que dieus prise, Qant om retient la bon_n_e aprise 14690 En l’alme sanz oblivio_u_n; Dont soy defent de la feintise Du deable, qui p_ar_ mainte guise Devant nous sa temptacio_u_n Presente plain d’illusio_u_n, Pour faire ent no confusio_u_n; Car il conoist de sa quointise La nature et complexio_u_n De nous et la condicio_u_n, Dont pl_us_ soubtilement s’avise. 14700 Si sanguin soie de nature, Lors me fait tempter de Luxure, D’Orguil et de Jolietée; Malencolie si j’endure, Lors ert d’Envie ma pointure En tristesce et en malvoistée; Si fleumatik soie attemprée, Lors Gloutenie et Lacheté Me font tempter en chascune hure; Si coleric, que soie irrée, 14710 Discord lors m’ert abandon_n_ée, Dont sui temptez a demesure. Pour ce cil qui Science meine Du vray prouesce sov_er_eine, Au tout plus fort combat_er_oit[399] Encontre celle vice humeine Qe pl_us_ l’assalt et pl_us_ l’estreine, Selonc ce q’il en sente et voit:[400] Car qui chastel defendre doit, U q’il est fieble, la endroit 14720 Mettra defense plus procheine;[401] Et ensi p_ar_ semblable endroit Du malfié se defenderoit Chascun bon hom_m_e en son demeine. Au Rome el g_ra_nt paleis jadys Fesoit Virgile a son avis Pluseurs ymages en estant, Et en chascune enmy le pis Ot no_u_n du terre ou du paiis Escript, et puis fesoit avant 14730 Sur un chival d’arrein seant Un chivaler q’ert bel et grant, Si ot l’espeie ou main saisiz. Ly mestres qui ce fuist fesant Du grant science estoit sachant, Mais ore oietz par quel devis. Qant terre ascune ou regio_u_n Pensoit de sa rebellio_u_n Encontre Rome a resister, L’ymage q’en portoit le no_u_n[402] 14740 Escript, tantost a grant rando_u_n Fist une clocke en halt son_n_er; Et maintenant le chivaler S’espeie com_m_ença branler Vers celle ymage qui le so_u_n Ot fait; et ensi d’encombrer Leur Cité firont saulf garder Ly citezein tout enviro_u_n. Ensi ly sages du science L’ymage de sa conscience 14750 Enmy son pis escrivera; Du quoy, qant pecché le com_m_ence