Mais deux emplastres covenist, Ainçois q’il soit au plain sané; 14910 Contricio_u_n l’une est nom_m_ée, Que toute en plour s’est reme_m_brée De ses pecchés, com_m_e jadys fist Rois Ezechie en son degré, Par quoy pardo_u_n luy fuist don_n_é En la maniere qu’il requist. Contricio_u_n ne voet souffrir Son client en pecché dormir, Ainçois l’escrie en conscience Q’il doit confession suïr: 14920 Et qant au point la poet tenir, Lors fait du plour sa p_ro_vidence, Le quel, depuis q’il le com_m_ence, Ne cesse, tanq’ al audience De dieu parviene le suspir.[407] Au tieu message dieus despense, Q’a luy par tiele obedience Contrit ses lermes vient offrir. Pecché, sicom_m_e le fieu ardant, De l’eaue s’en vait esteignant, 14930 Mais chalde lerme po_ur_ l’exteindre Y falt. O, qui verroit ardant Sa maiso_u_n et de maintenant Ne se voldroit a l’eaue enpeindre Pour le p_er_il du fieu restreindre? En si grant haste, encore et greindre, Ly contritz l’eaue vait cerchant; Et si p_ar_ cas la puet atteindre, Tout son poair y met sanz feindre, Q’il en soit largement versant.[408] 14940 Crisostomus en son decré Nous dist, q_ue_ tout ert mesurée La fourme de contricio_u_n, Qant vient du cuer bien ordiné, Selonc la droite egalité Du pecché delectacio_u_n: Mais celle meditacio_u_n Que fait la mediacio_u_n, Par quoy l’en doit en equité Plorer en contemplacio_u_n, 14950 Bernards nous fait relacio_u_n; Ore escoultez en quel degré. A grant reso_u_n plorer cil doit, Qui tendrement deinz soi conçoit L’ingratitude au peccheour; Prim_er_ement q’il contre droit Desobeït en son endroit A dieu son piere et creatour, A qui par reson tout honour Om doit don_n_er de bon amour; 14960 Et d’autre part om doubteroit D’offendre a si tresbon seignour, Soubz qui vivons de nuyt et jo_ur_, Car chascun de son bien reçoit. Mais de plorer encore plus Grant cause y ad, sicom_m_e je truis, Q’au dieu le fitz avons fait tort, Q’est hom_m_e pour nous devenuz, Trahiz, penez et fort batuz, Et au darrain souffrist la mort 14970 Pour nous don_n_er vie et confort. O qui deinz soy tout ce recort, [Sidenote: =f. 84=] Du tendre cuer et s’est pourveuz, S’il lors ne puet trover le port De plour, ne say p_ar_ quel report Il serra lors au plour renduz. Encore om puet considerer Trois choses pour pl_us_ exciter, Dont peccheour serra plorant, Qu’il est atteint p_ar_ son peccher 14980 Com_m_e laro_u_n, traitre et puis moertrer:[409] Prim_er_ laro_u_n, qu’il est emblant Le bien de l’alme reson_n_ant, Qe dieus luy bailla com_m_anda_n_t Qu’il le devoit multeplier, Dont il au fin serra comptant;