Sicom_m_e le liv_er_e nous devise, Contre Avarice naist F_ra_nchise, Si est a l’alme necessaire: Les vices q’Avarice prise F_ra_nchise en sa vertu despise Et fait ses oev_er_es au contraire. Elle ad cink files du bon aire, Q’envers le siecle et saintuaire Se gardont sanz vilain enprise; Des quelles la prim_er_e et maire 15190 Justice ad no_u_n, q’en droit affaire Guerroie encontre Covoitise. De ceste vertu bon_n_e et fine La loy civile ensi diffine, Et dist: ‘Justice est ferm constant Du volenté que ja ne fine, Q’au riche et povre en jouste line Son droit a chascun vait don_n_ant’: A nully triche et nul trichant La puet tricher, car tout avant 15200 Tient Equité de sa covine, Q’ove sa balance droit pesant Vait la droiture ensi gardant, Q’al un n’al autre p_ar_t s’acline. Plato_u_ns nous dist tout plateme_n_t Qe ceste vertu p_ro_prement Fait l’om_m_e solonc son degré Par reule et par governement Env_er_s dieu et envers la gent Bien vivre; car d’onesteté 15210 Rent a chascun sa dueté, As ses seignours honour et gré, As ses voisins molt bon_n_ement Fait compaignie et ameisté, As ses soubgitz grace et pité; Vers nul des trois estatz mesp_re_nt. Civile du viele escripture Endroit d’umeine creature Deinz briefs motz tout comp_re_nt la loy Q’attient a reso_u_n et mesure: 15220 C’est ‘Fai a autre la mesure, Sicom_m_e tu voes q’il face a toy.’ Q’ensi justice tient en soy N’est covoitous, tresbien le croy, Del autry bien par conjecture; Ainz son voisin lerra tout coy, Car conscience en son recoy L’enseigne affaire sa droiture. Justice q_ue_ les droitz avance Encore ad de sa retenance 15230 Trois autrez, dont se puet fier, Prudence, Force et Attemprance. Chascun des trois en sa faisance Ad trois offices a guarder: Prudence sert tout au primer, Le dit, le fait et le penser, Com_m_e dist Plato_u_n, sanz fole erra_n_ce Au droite lyne fait reuler Du reso_u_n sanz rien covoiter Del autry contre dieu plesance. 15240 Prudence, dist saint Augustin, L’amour du cuer guart ent_er_in, Q’il soulement quiert et desire Les richesses quelles sanz fin Devont durer; car son engin Et son aguait, dont il conspire, Trestout sont mis a cel empire U le conqueste ja n’enpire, Ainz ly pourchas est tout divin: Vers la se tient, vers la se tire, 15250 Nulle autre chose le detire, Dont soit au covoitise enclin. C’est la prudence du serpent, Qant hom luy fait enchanteme_n_t, Soubtileme_n_t lors s’esvertue, Des ses orailles l’une estent Plat a la t_er_re fermement, Et l’autre estouppe de sa cue, Q’elle en oiant ne soit deçue: