C’est une aprise contenue 15260 En l’evangile p_ro_prement, Dont n_ost_re sire nous argue, Et s’elle soit bien retenue, Molt puet valoir au temps p_re_sent. Qant Covoitise nous assaille, Tendrons au terre l’une oraille, C’est assavoir, nous penserons Com_m_e tout fuist n_ost_re com_m_ençaille Du vile terre et de merdaille; Et l’autre oraille estoupperons 15270 Du keue, si considerons Q’en terre au fin revertirons, La serra n_ost_re diffinaille. S’ensi Prudence garderons, Je croy que poy covoiterons La terre que si petit vaille. ‘Cil q’ad prudence en son avoir Ad tous les biens q’om puet avoir,’ Ce dist Senec: car ly prudent Ad temp_er_ance en son savoir, 15280 Et cil q’est temp_er_at pour voir Il ad constance fermement, Et ly constant du rien p_re_sent Se fait doloir ascunement, Et qui du riens se fait doloir Ne porra vivre tristement: Et ensi suit par consequent Prudence ad ce que puet valoir. Force est si forte de corage, Ne quiert ne lucre n’avantage 15290 Du p_ro_ufit qui du siecle vient; Et d’autre part pour nul orage Ne crient ne p_er_te ne damage, Que p_ar_ fortune luy survient; Mais sur tous mals il se sustient, Au destre ne s’abeisse nient, N’au part senestre se destage; Le ciel covoite et la se tient, Car en la fin, bien luy sovient, Le siecle n’est q_ue_ vain ombrage. 15300 Et Attemprance est si garnie, La chose ne covoite mye Dont en la fin doit repentir; Car po_ur_ les biens de ceste vie La droite loy que l’alme guie Forsfaire voet pour nul desir: De trop se sciet bien abstenir, Et meinz q’assetz ne voet tenir; Ovel se tient de sa partie. Vers dieu se fait tant conv_er_tir, 15310 Qe riens luy porra p_er_vertir Au fin q’il la justice oublie. Attemprance est la meene voie, En juggement qui droit convoie P_ar_entre justice et reddour; C’est la vertu que ne forsvoie Ou p_ar_ priere ou p_ar_ monoie, Ou p_ar_ hatie ou p_ar_ amour; Ainz tient justice en sa vigour, Chastie et pent le malfesour, 15320 Dont bien com_m_un se multeploie: Pité nient meinz interiour Se dolt du paine exteriour, Qe d’autry mal n’ad point du joye. Ce dont je parle n’est justice Itiel com_m_e vendont cil Justice, Selonc que parle le decré, Qui pour le gaign de lo_ur_ office La vertu font tourner en vice, Qant droit vendont et equité; 15330 Dont font semblable le pecché A Judas, qui le corps de dée Vendist par voie d’avarice: Mais vray Justice en son degré Ne volt falser sa loyauté Pour tout l’avoir q’est en Galice. Ly philosophre nous reconte, Justice les vertus surmonte Pour garder le com_m_un p_ro_ufit;