Ne quiert leur orr ne leur argent, Ne leur chapo_u_n ne leur frument; Ainçois de dieu loer attent, Et pour cela met a refus Tout autre bien; dont dieus ly rent Cent mil fois plus d’avanceme_n_t De son tresor qu’il ad la sus. 15420 =Ore dirra de la tierce file de F_ra_nchise, la quelle ad no_u_n Almosne, contre le vice de Ravine.= La tierce file de Franchise, C’est une dame q_ue_ dieu p_ri_se Et ad a no_u_n pitouse Almosne, La quelle par divine aprise Ravine hiet et sa mesprise: Molt sont contraire leur p_er_son_n_e, L’un fait a l’autre molt disson_n_e, Car l’une tolt et l’autre don_n_e; L’une a deservy par juÿse Le hart, et l’autre la coron_n_e, 15430 L’une est malvoise et l’autre bon_n_e, L’une aime et l’autre dieu despise. Du franche Almosne la nature Se tient d’especiale cure Les povrez gens a socourer, Selonc q’il voit le temps et l’ure, De sa viande et sa vesture, De son florin et son denier: Et sur tout ce fait envoier Entour les villes po_ur_ sercher 15440 De la maison, de la demure, U puet les indigentz trover; Ne sciet ou meulx porra gaign_er_ Q’aider la povre creature. Thobie enseigna son enfant, Q’il de ses biens soit entendant De faire almoisne a dieu plesance: Roy Salomon auci disant S’en vait et son fils enseignant, ‘Honoure dieu de ta substance, 15450 Et don_n_e au povre la pitance, Plus en serra ta sufficance[419] Et plus te serront habondant Tes biens a la multipliance’: Car cil qui fait la dieu chevance Ne puet faillir du gaign suiant. Qui droite almoisne fait et use Ses biens par ce ja n’amenuse, Nient plus q_ue_ jadys la farine Q’estoit ou pot de la recluse, 15460 N’auci q_ue_ l’oille deinz la cruse, La quelle par vertu divine, Com_m_e Heliseüs le divine Au pov_er_e vedve et orphanine, De tant com_m_e plus estoit effuse Revient tout pleine et enterine; Dont fuist garie en la famine Que p_ar_ Sarepte estoit diffuse. Com_m_ent Almoisne s’esvertue Essample avons, car dieus la veue Au saint Thobie en ce rendist, 15471 Q’au ciel s’almoisne estoit venue; Dont dieus envoia de sa nue Saint Raphael, qui le garist. Au bon Corneille Jh_es_u Crist Auci son angel y tramist Pour estre de sa retenue, Q’estoit paiens, mais ce q’il fist D’almoisne dieu en gré le prist, P_ar_ quoy sa foy luy fuist rendue. 15480 Qui don_n_e almoisne il se p_ro_ufite, Qant il pour chose si petite Rep_re_nt tant large avancement: De cest essample nous excite La vedve que don_n_a deux myte, Com_m_e l’evangile nous aprent; Car tant puet hom_m_e francheme_n_t Un soul denier de son argent Don_n_er du volenté parfite,