Encontre vile Gloutenie Naist une vertu bien norrie Du reso_u_n et divine grace; Mesure ad no_u_n, la dieu amye: Cink files ad en compaignie, Chascune suit sa mere au trace, Des quelles l’alme se solace, Dont falt q_ue_ chascun hom_m_e sace Les no_u_ns de ceste p_ro_genie. 16221 O ventre glous, mal prou te face, Car la primere te manace Qe trop manger ne dois tu mie. De cestes files la primere Par consail de sa bon_n_e mere En droite nominacio_u_n Diete ad no_u_n, la dieu treschiere, Quelle a mesure toute entiere En viande et potacio_u_n 16230 Se p_re_nt: car pour temptacio_u_n Ne quiert sa recreacio_u_n, Si no_u_n q_ue_ reso_u_n la requiere; Et lors par estimacio_u_n Sa droite sustentacio_u_n Prent entre vuide et trop plen_er_e. Cil qui de ceste s’esvertue, Ja pour gloutouse sustenue Glouteëment ne mangera; Ne ja pour haste au jour se mue, 16240 Ainçois q’il voit celle houre due Pour manger, mais ce ne serra Au matin qant se levera. Car ja son ventre n’emplera, Dont s’alme vuide soit tenue, Ainz au primer dieu servira, Dont l’alme se desjunera, Et puis laist q_ue_ le corps mangue. Le ventre vit en grant quiete, Qui se governe par Diete 16250 Et vit solonc bon_n_e attemprance De sa pitance consuëte; Car qui se paist au droite mete, Son corps du santé bien avance. Cil q’ensi fait n’av_er_a doubtance Q’il doit morir du mal du pance, Si no_u_n q’il d’ascune planete Soit corrupt d’autre circumstance: Dont m’est avis meulx valt pita_n_ce Qe Gloutenie trop replete. 16260 Par vray Diete bien se guie Cil q’a son ventre ne s’applie Pour gloutenie soulement, Du quoy la char se glorifie, Ainz voet q_ue_ l’alme soit norrie Avoec le corps ensemblement: Auci qant sainte eglise aprent Q’om doit juner devoutement, Ce voet juner de sa partie; Par quoy molt reson_n_ablement 16270 Qant doit venir au juggeme_n_t S’escusera de gloutenie. =Ore dirra de la seconde file de Mesure, la quele ad no_u_n Abstine_n_ce, contre le vice de Delicacie.=