La cornette et la chalemelle, Pour solacer, u qu’il devient: Tous en parlont, ‘Vei la q’il vient,[35] Vei la, qui sur tous mieulx revelle!’ Quant il asculte leur favelle, Que tous luy prisont, cil et celle, Tieu veine gloire luy survient, Orguil luy monte en la cervelle, 1270 Dont s’alme laisse chaitivelle, Et son corps glorious maintient. Du bon saint Job tieu sont ly dit, Que le vain hom_m_e s’esjoÿt De la musike d’estrument; Mais quant il plus s’en rejoÿt, Lors en un point du mort soubit En la dolour d’enfern decent. Auci parlant de tiele gent Dist Ysaïe tielement, 1280 Que toute gloire et vain delit, Que le vain siecle en soy comp_re_nt, Serra torné soudainement En le desert q’est infinit. Saint Ysaïe demandoit De Baruch, a quoy il queroit En ceste vie a soy leesce, Depuisq_ue_ dieus envoieroit Sur toute gent q’en terre soit Pesance, dolour et tristesce. 1290 Johel auci cela confesse, Q’au fin ert Veine gloire oppresse Et tout confuse par destroit; Dont cils qui vuillont par noblesce Monter la seculere haltesce Devont descendre a mal exploit. Solonc le dit d’un sage auctour, Gloire au riche hom_m_e c’est honour: Du qui l’escript evangelin Dit, quant es foires fait son tour, 1300 Trop ayme q’autre gent menour Le saluent par bass enclin, Com_m_e s’il fuist Charles ou Pepin; Ne voet porter no_u_n du voisin, Mais no_u_n du maistre et du seigno_ur_: Si quert avoir l’onour terrin As festes, car sicom_m_e divin [Sidenote: =f. 12=] Devant tous quert le see primour. Mais si riche hom_m_e honour desire, Du cause vient q’a ce luy tire; 1310 Mais l’om_m_e povre q’est haltein Et quert l’onour avoir du sire, Quant il n’ad propre seal ne cire, Ne riens dont poet paier u mein, Cil quert sa gloire trop en vein: Car povre Orguil, je suy certein, Com_m_e Salomon le fait descrire, C’est un des quatre plus vilein, Que mesmes dieu tient en desdeign, Et a bon droit le fait despire. 1320 Ascun sa gloire vait menant En soul sa malvoisté fesant, N’en quert honour, ainz quert le vice, Du quoy s’en vait glorifiant. D’un tiel David vait demandant: ‘A quoy fais gloire en ta malice Tu q’es puissant du malefice?’ Ne say queu deble a ce t’entice, Quant nulle part porras p_ar_ tant Avoir honour ne benefice: 1330 Trop est ta gloire veine et nice, Dont nul p_ro_fit te vient suiant. O Gloire que tant es estoute, Ce que saint Job te dist ascoulte: Il dist, ‘Si fuissez eshalcez Jusques au ciel, enmy la route Tu encherres, car dieus te boute, Et come fymer au fin serres Purriz, perduz et avilez.’ Auci de ce t’ad doctrinez 1340