Si q’om le pale et megre voit Au saint prodhom_m_e resemblant: Trop est soubtil ymaginant Cil q’a ces deux accorder doit. Ipocrisie en dieu prier As autres ne poet p_ro_ufiter 1190 Et a soy mesmes fait dam_m_age: Car quant du siecle quert loer, N’est droit q_ue_ dieus l’en doit loer. Mais ce dist Augustin ly sage, Qui prie d’indevoult corage Il prie contre son visage Le juggement q’om doit doubter. Mieulx valsist d’estre sanz langage Muët sicom_m_e l’oisel en gage, Q’ensi fole oreiso_u_n orer. 1200 =La seconde file d’Orguil, quelle ad a no_u_n Vaine gloire.= La Vaine gloire, q’est seconde, De son sen et de sa faconde C’est une dame trop mondeine: Car pour la vanité du monde Son corps ove tout dont elle abonde Despent et gaste en gloire veine: Tout se travaille et tout se peine Pour estre appellé cheventeine, Du quoy son vein honour rebonde. Si tiel honour tient en demeine, 1210 Lors est si fiere et si halteine Qu’il n’ad parail q’a luy responde. La Vaine gloire d’oultre mer Par tout se peine a travailler, Plus pour conquerre los et pris Du mond pour son no_u_n eshalcer, Que pour servir et honourer Dieu pour l’onour du paradis. La Veine gloire en son paiis Controve et fait novel devys 1220 De vestir et apparailler. Quant Veine gloire est poestis, Tous ceaux qui sont a luy soubgis Sovent leur estoet genuller. Du Veine gloire ly client Ne soeffre ja son garnement Ne son souler ne sa chaulçure Estre enboez, ainz nettement Qanq_ue_ est dehors al oill du gent Parant, le garde en sa mesure, 1230 Si qu’il n’ait tache en sa vesture; Mais celle tache et celle ordure Des vices, dont son cuer esprent, Ne voet monder, ainz met sa cure Au corps, et l’alme a no_u_nchalure Laist enboer tresvilement. Trop est la Veine gloire gay Du vesture et tout autre array; Mais quant avient par aventure Que celle dame sanz esmay 1240 S’est acemé du suhgenay, Ove la pierrouse botenure Du riche entaille a sa mesure, He, qui lors prise la faiture, Disant que c’est la belle maii Et la tresbelle creature, Ne quide lors q_ue_ dieus dessure La poet forsfaire en nul essay. Mais courtement pour terminer, La Veine gloire seculer 1250 Trop s’esjoÿt du vein honour, Du pris, ren_ou_n, avoir, poer, Du sen, science et bealparler, Du beauté, force et de valour, Du riche array, du beal atour, Du fort chastel, de halte tour, Et qu’il les gens poet com_m_ander: Mieulx quide d’estre creatour Que creature: he, quel folour, Q’au mesme dieu voet guerroier! 1260 La Veine gloire laisse nient Que toutdis ove soy ne retient