La quarte file enorguillant Par tous ses ditz s’est ava_n_tant; 1730 Pour ce son no_u_n est Avantance. Cil q’est de ceste file amant, Et en voir dire et en mentant Sovent s’avante en sa p_ar_lance De son grant sen, de sa puissance, De sa valour, de sa substance; Ne fait nul bien dont est celant, Ainz dist toute sa sufficance, Dont il son p_ro_pre honour avance; Herald n’en dirroit plus avant.[44] 1740 Le Vanteour de plus en plus De vanter ne s’est abstenus, Dont croit qu’il son honour remonte: Car s’il soit beals ou fortz ou prus, Au fin q’as tous ce soit conus, Fait mainte longe et belle conte; Et s’il soit riches, lors acompte Devant trestous combien amonte Le grant tresor qu’il tient reclus: Trop s’esjoÿt, quant il reconte 1750 Come il les autres gens surmonte Des bon_n_es mours et des vertus. Qui bien entent les ditz des sages Et s’orguillist, il est no_u_nsages, Du soy pour faire aucun avant: Car s’il soit beals et pense oultrages, Repenser doit deinz ses corages Ce que Boëce en est parlant;[45] Si dist que l’oill de son voiant Perest si fieble en reguardant, 1760 Qu’il plus ne voit fors les ymages Dehors; mais si par tout avant Pourroit veoir le remenant, Ne se tendroit a les visages. Hom list q_ue_ linx ad tiele veue, Si tresp_er_sante et si ague, Que tresp_ar_my les murs du piere Voit clerement la chose nue: Dont dist Senec, ‘He, dieus aiue Que l’oill de l’om_m_e en tieu man_er_e, 1770 Dehors, dedeinz, devant, derere, La vile ordure et la matiere Q’en n_ost_re corps gist retenue Verroit du regardure clere: Ore voi je tiele qui s’appiere, Que lors volt estre desconue.’ Et d’autre part s’orguil deinz soy Se vante et face son buffoy Du force dont qu’il est plener, Repenser doit deinz son recoy 1780 Que molt sovent d’un petit quoy S’effroie; car l’en voit grever Petite mosche au fort destrer. Saint Augustin s’en fait parler, Si dist, ‘O force, tien te coy; Quant tu la puice resister Ne puis au lit pour reposer, Me semble que ta force est poy.’ Et s’om se vante de richesce, Solonc Boëce je confesse 1790 Ly bien mondein sont decevable: Seurté p_ro_mettont et leesce, Et don_n_ont paour et tristesce; P_ro_mettont l’om_m_e seignorable, Et le font serf, et de no_u_nstable P_ro_mettont chose p_er_manable; Des grans delices font p_ro_messe, Et sont poignant, et de la fable Promettont estre veritable: Au fin se pleignt qui les adesce. 1800 Et oultre ce, qui bien remire, Ly bien mondain sont a despire, Qu’ils p_ro_mettont de leur falsine A sauler l’om_m_e et a suffire Au tout ce que ly cuers desire;