Et en certain par leur saisine Suffraite don_n_ont et famine; Car qui plus ad, plus enfamine. Mais fole orguil de son empire Si ferme croit l’onour terrine, 1810 Q’aler jam_m_ais quide en ruine, Pour rien que l’en luy porra dire. Ly philesophre q’estoit sage Dist, ‘Tiel quel es deinz ton corage, Tiel ta parole expressera.’ Ce piert d’orguil, q’en son oultrage De sa science et son lignage Et de ses biens se vantera: Car ses vertus tout contera, Au fin que tous sachont cela, 1820 Siqu’il n’ait pier du voisinage En la Cité u tiel esta: Com_m_e Salomon le tesmoigna, Sovent l’en voit venir dam_m_age. Par so_u_n p_ro_phete Sephonie Dieus dist que gens de vanterie D’entour les soens il hostera. Si dist auci par Jeremie Que la vantante halte vie De halt en bass la ruera, 1830 Toute arrogance humilera: Et ensi dieus nous manaça Par Salomon et Isaïe: ‘Heu,’ dist, ‘cil qui se vantera! Par ce toutdis de luy serra Trestoute vertu forsbanie.’ Del phariseu l’en vait lisant Pour ce q’el temple son avant De ses bienfaitz au dieu faisoit, Son pris perdist de maintenant 1840 Et son loer du bienfesant: Mais cil qui pupplican estoit Tout autrement se contienoit, De ses mesfais mercy prioit: Dont l’un, q’ert juste p_ar_devant, De son avant se p_er_vertoit, Et l’autre, qui devant pecchoit, Devint just par soy despisant. Ce dist Solyn en l’escripture: ‘Ossifragus de sa nature 1850 C’est un oisel qui soulement Du moel des oss prent sa pasture; Mais quant ne poet par aventure L’oss debriser, lors monte au vent Volant en halt, et guarde prent D’ascune roche, et tielement Puis laist chaoir l’oss p_ar_dessure, Que tout en pieces le purfent: Ensi devoure a son talent Sa proie p_ar_my la fendure.’ 1860 Ly deable auci p_ar_ cas semblable, Pour faire l’om_m_e saint muable, Primerement le fait monter En vaine gloire surquidable, Et par ce fait qu’il est cheable Dessur la roche de vanter. Ce dist David en son psalter: ‘Qui d’orguil fait son cuer lever, Dieus contre luy se fait levable’: Et ensi com_m_e falcon muer 1870 Le fiert, dont l’estoet tresbuscher Si bass dont puis n’est relevable. De Lucifer hom vait lisant, Tantost qu’il ust fait son avant, Qu’il volt le see divin ascendre Et resembler au toutpuissant, Dieus le rua de maintenant Jusq’en abisme, et fist descendre El fieu qui toutdiz art sanz cendre. [Sidenote: =f. 15=] En ciel fist dieus vengance p_re_ndre D’orguil qui s’en aloit vantant: 1881 Par ce poet om essample p_re_ndre Que bobancers fait a rep_re_ndre, Car il au deable est resemblant.