Je fray l’exploit de vo busoigne.’ Jaket son varlet le tesmoigne, Et dist au fin q_ue_ l’en luy doigne, ‘Tout est ce voir, tenez ma foy.’ Ensi les larges do_u_ns enpoigne; Mais en la fin c’est grant vergoigne, Car sa vantance est tout gabboy. Sicom_m_e du vertu corporal, Quant orguil par especial 1970 Devant les autres ad le gré, Se vante et fait desp_ar_igal, Tout ensi de l’espirital, Quant fait aucune charité, Ou soit apert ou soit privé, Au double ou plus s’en est vanté, Com_m_e s’il fuist tout celestial: Siq_ue_ les biens du tout degré, Dont corps et alme sont doé, Sa langue soule torne en mal. 1980 Le Vanteour de sa semblance Porte au geline resemblance, Que de ses oefs criant entour S’en vait, dont l’en ap_ar_cevance Prent de son ny, si q’au finance Tout pert ses oefs par sa clamour: Et ensi fait ly Vanteour; Quant il ad fait aucun bon tour, N’el voet celer, ainz par bobance S’en vante pour acquere honour[50] 1990 Au corps; mais l’alme au darrein jo_ur_ S’en vait sanz part du bienfaisance. Mais pour descrire en sa maniere, Ly Vanteour est ly fol liere, Qui tout s’afforce en sa covine D’embler la gloire a dieu le piere, A qui tout honour se refiere; Mais il le tolt de sa ravine Et a soy p_ro_pre le destine. Par quoy du redde discipline 2000 Drois est qu’il son orguil compiere: Pour s’avantance q’est terrine En paine que jam_m_ais ne fine De son avant ert mis derere. =La quinte file d’Orguil, la quelle ad a no_u_n Inobedience.=