La vanterie en terre auci Dieus hiet et toutdis ad haï. Du Nabugod ce poet om lire, Qui se vantoit jadys ensi Qu’il Babiloyne ot establi En gloire de son halt empire: 1890 Mais ainz qu’il pot au plain suffire Son grant orguil vanter et dire, Soudainement tout s’esvany, Et transmua par le dieu ire Sa forme d’om_m_e en beste pire Sept au_n_s, ainz qu’il en ot mercy.[46] Simon Magus qua_n_t se vantoit Q’en halt le ciel voler vorroit, Par l’art magike en l’air bien sus Au Rome en son orguil montoit; 1900 Mais quant plus halt mont_er_ quidoit,[47] Soudainement dieus l’ot confus, Et de son halt le ruoit jus; Dont il le corps ot confundus, Et l’alme as deables s’en aloit. Vei la le gaign q’en orguil truis: Quant l’en se vante estre au dessus, Par cas plus tost chaoir l’en doit.[48] Par autre guise s’est vanté Le Vanteour desmesuré, 1910 Dont luy maldie Jh_es_u Crist: Car si d’amour tout en secré Soit d’une dame bien amé, En soy vantant par tout le dist, Dont l’autre honour trop amerrist. Plust ore a dieu cil q’ensi fist, Ou fait, ou fra, fuist forsjuggé, Et par la goule en halt pendist; Quant faire pecché ne suffist, Mais q’om se vante du pecché. 1920 O dieus, com_m_ent il se desroie Le Vanteour, quant il donnoie, Seant d’encoste ses amours! C’est cil alors qui tout mestroie, C’est cil qui terre ad et monoie, C’est cil qui sciet trestous honours, C’est cil q’est fort en grans estours, C’est cil qui conquerra les tours, C’est cil qui valt par toute voie; Sa langue est plaine des valours, 1930 Mais plus p_ro_mette en quatre jours Q’en cinquant ans ne compleroie. Car qui s’avante volenters, Sovent avient qu’il est mentiers, Contant du soy que ja n’estoit: S’il n’ait en bource deux deniers, Il dist qu’il ad ses tresorers Pour achater que bon luy soit, Dont sa largesce faire doit. Tieu conquerrour l’en loeroit, 1940 Car s’il soit d’armes custum_m_ers, Il dist tieu chose p_ar_ferroit, La quelle enprendre n’oseroit Pour tout l’avoir du Montpellers. Tout ensement come le paintour, Quant il portrait un grant estour, Fiert les grans cops en sa painture, Tout autreci ly Vanteour En recontant de sa valour[49] Se vante et parle a demesure: 1950 Mainte merveille et aventure, Sa grosse langue afferme et jure De son sen et de sa folour, Du peas et d’armes, q’a nulle hure Estoient voir, ainz controveure, Dont quide eshalcer son honour. Le Vanteour sovent sur soy Emprent qu’il est privé du Roy, Si qu’il n’en poet avoir essoigne; Et dist as gens, ‘Parlez au moy: 1960 Si vous me don_n_ez le pourquoy,