[Sidenote: [LOT AND HIS DAUGHTERS.]] And forto se more of this thing, The bible makth a knowleching, [Sidenote: Hic narrat, qualiter Loth duas filias suas ipsis consencientibus carnali copula cognouit, duosque ex eis filios, scilicet Moab et Amon, progenuit, quorum postea generacio praua et exasperans contra populum dei in terra saltim promissionis vario grauamine quam sepius insultabat.] Wherof thou miht take evidence Upon the sothe experience. [Sidenote: =P. iii. 283=] Whan Lothes wif was overgon And schape into the salte Ston,[1474] As it is spoke into this day, Be bothe hise dowhtres thanne he lay, 230 With childe and made hem bothe grete,[1475] Til that nature hem wolde lete, And so the cause aboute ladde That ech of hem a Sone hadde, Moab the ferste, and the seconde Amon, of whiche, as it is founde, Cam afterward to gret encres[1476] Tuo nacions: and natheles, For that the stockes were ungoode,[1477] The branches mihten noght be goode; 240 For of the false Moabites Forth with the strengthe of Amonites, Of that thei weren ferst misgete, The poeple of god was ofte upsete In Irahel and in Judee,[1478] As in the bible a man mai se. [Sidenote: Confessor.] Lo thus, my Sone, as I thee seie, Thou miht thiselve be beseie Of that thou hast of othre herd: [Sidenote: [INCEST.]] For evere yit it hath so ferd, 250 Of loves lust if so befalle That it in other place falle Than it is of the lawe set, He which his love hath so beset Mote afterward repente him sore. And every man is othres lore; [Sidenote: =P. iii. 284=] Of that befell in time er this[1479] The present time which now is May ben enformed hou it stod, And take that him thenketh good, 260 And leve that which is noght so. Bot forto loke of time go,[1480] Hou lust of love excedeth lawe, It oghte forto be withdrawe; For every man it scholde drede, And nameliche in his Sibrede, Which torneth ofte to vengance: Wherof a tale in remembrance, Which is a long process to hiere, I thenke forto tellen hiere. 270 [Sidenote: [APOLLONIUS OF TYRE.]] ii. _Omnibus est communis amor, set et immoderatos_ _Qui facit excessus, non reputatur amans._ _Sors tamen vnde Venus attractat corda, videre_ _Que racionis erunt, non racione sinit._