Toute la genealogie D'Adam qui fust le premier homme Mort prent se dit theologie Tous fault mourir pour une pomme. MERCHANT. Vecy vostre dernier marche Il convient que par cy passez De tout soing serez despechie Tel convoiste qui a assez Marchant regardes par deca Plusieurs pays avez cerchie A pied a cheval de pieca Vous n'en serez plus empeschie. MONK. Ha maistre par la passeres N'est ja besoing de vous defendre Plus homme nespouvanteres Apres Moyne sans plus attendre Ou pensez vous cy fault entendre Tantost aurez la bouche close Homme n'est fors que vent et cendre Vie donc est moult peu de chose. LOVER. Trop lavez ayme cest foleur Et a mourir peu regarde Tantost vous changerez couleur Beaulte n'est que ymage farde Gentil amoureux gent et frique Qui vous cuidez de grant valeur Vous estez pris la mort vous pique Ce monde lairez a douleur. CURATE. Passez cure sans long songier Je sans questes habandonne Le vif le mort soulier menger Mais vous serez aux vers donne Vous fustes jadis ordonne Miroir dautruy et exemplaire De voz faitz serez guerdonne A toute peine est deu salaire. CHILD. Sur tout du jour de la naissance Convient chascun a mort offrir Fol est qui n'en a congnoissance Qui plus vit plus a assouffrir Petit enfant naguerez ne Au monde aures peu de plaisance A la danse sera mene Comme autre car mort a puissance. QUEEN. Noble Royne de beau corsage Gente et joyeuse a ladvenant Jay de par le grant maistre charge De vous enmener maintenant Et comme bien chose advenant Ceste danse commenseres Faictes devoir au remenant Vous qui vivez ainsi feres. LADY. C'est bien chasse quand on pourchasse Chose a son ame meritoire Car au derrain mort tout enchasse Ceste vie est moult transitoire Gentille femme de chevalier Que tant aymes deduit et chasse Les engins vous fault habiller Et suyvre le train de ma trasse. PRIORESS. Se vous avez sans fiction Tout vostre temps servi à Dieu Du cueur en sa religion La quelle vous avez vestue Celuy qui tous biens retribue Vous recompenserer loyalment A son vouloir en temps et lieu Bien fait requiert bon payment. FRANCISCAN NUN. Se vos prieres sont bien dignes Elles vous vauldront devant Dieu Rien ne vallent soupirs ne signes Bone operacion tient lieu Femme de grande devocion Cloez voz heures et matines Et cessez contemplacion Car jamais nyres a matines. CHAMBER-MAID. Dictez jeune femme a la cruche Renommée bonne chambriere Respondez au moins quant on huche Sans tenir si rude maniere Vous nirez plus a la riviere Baver au four na la fenestre Cest cy vostre journee derniere Ausy tost meurt servant que maistre. WIDOW. Cest belle chose de tenir Lestat ou on est appellee Et soy tousjours bien maintenir Vertus est tout par tout louee.