Perhaps the Glen might also be excused on their part for taking a somewhat severe view of this schismatic proceeding and being greatly stirred by a sermon of the doctor's--prepared especially for the occasion--in which the sin of Korah, Dathan, and Abiram was powerfully expounded, and Milton's corn room described as a “Plymouthistic hut.” “Ma certes,” said Hillocks to Jamie on the way home, “the doctor's roosed. Yon wes an awfu' name he cam oot wi'; it's no verra cannie tae hae onything tae dae wi' thae preachin', paitterin' craturs.” “There wes a sough through the pairish, Hillocks, that ye were ower by sittin' in the cauf-hoose (chaff-house) yersel laist week, an' that ye were extraordinar' ta'en up wi' Milton. Elspeth Macfadyen wes threipin' (insisting) that you an' Milton were thinkin' o' starting a new kirk. Miltonites wud be a graund name; a' dinna think it 's been used yet.” “Elspeth's tongue's nae scannel.” Hillocks's curiosity had led him astray, and he was now much ashamed. “A' juist lookit in ae forenicht tae see what kin o' collie-shangie Milton wes cairryin' on, an' a' wes fair disgustit. He ran the hale time frae Daniel tae the Revelations, an' it wes a' aboot beasts frae beginnin' tae end. A rammelin' idiot, nae-thin' else,” and Hillocks offered up Milton as a sacrifice to the indignation of the Glen. Shortly afterwards Hillocks began to make dark allusions that excited a distinct interest, and invested his conversation with a piquant flavour. “It wes an ill day when his lordship lat yon man intae the pairish,” and he shook his head with an air of gloomy mystery. “A' wush a' saw him oot o 't withoot mischief. Oor fouk hev been weel brocht up, an' they 're no what ye wud ca' simple, but there s nae sayin'; weemen are easily carried.” “Ay, ay,” said Jamie encouragingly. “A'm telt,” continued Hillocks, “that the wratches are that cunnin' an' plausible they wud wile a bird aff a tree; they got intae a pairish in the Carse, and afore the year wes oot gin they didna whup aff three servant lassies tae Ameriky.” “Div ye mean tae say that Milton...” and the fathers noticed how Jamie was guiding Hillocks to his point. “Ye've said the word, Jamie, an' it's a gey like business for Drumtochty,” and it was known in twenty-four hours up as far as Glen Urtach that Hillocks had hunted Milton's religion to earth, and found him out to be a Morman. This was considered one of Jamie's most successful efforts, and the Glen derived so much pure delight from the very sight of Milton for some weeks that he might have become popular had it not been for an amazing combination of qualities. “His tracts are irritatin', an' no what we've been accustomed tae in Drumtochty”--Drums-heugh was giving judgment in the kirkyard--“but a' cud thole them. What a' canna pit up wi' is his whinin' an' leein'. A' never heard as muckle aboot conscience an' never saw sae little o't in this pairish.”