10 ‘God ffellow,’ seyde owr_e_ kyng, ‘reyde þow w_i_t_h_ me Tell Y com to Drayton Baset, Now Y het se.’ 11 ‘Nay, be mey ffeyt,’ seyde the barker thoo, ‘Thow may sey Y wer_e_ a ffole, _and_ Y dyd so. 12 ‘I hast yn mey wey as well as þow hast yn theyne; Reyde fforthe _and_ seke they wey; þi hors ys bett_er_ nar meyne.’ 13 The tanner seyde, What maner man ar ye? ‘A preker abowt,’ seyd _þ_e kyng, ‘yn maney a contre.’ 14 Than spake the tanner, ffoll scrodel_e_y ayen; Y had a brother vowsed the same, tell he cowde never the[n]. 15 Than _yo_wr_e_ kyng smotley gan smeyle: ‘Y prey the, ffelow, reyde w_i_t_h_ me a meyle.’ 16 ‘What, devell!’ q_uo_d the tann_er_, ‘art þ_o_u owt off they wet? Y most hom to mey deyner_e_, ffor I am ffastyng yet.’ 17 ‘Good ffelow,’ seyde owr_e_ kyng, ‘Car_e_ _þ_e not ffor no mete; _Þo_u schalt haffe mete ynow to neyȝt, _and_ yeffe _þo_u welt ette.’ 18 The tanner toke gret skorne of hem, _and_ sware be Creystys pyne, Y trow Y hafe mor_e_ money yn mey pors nar thow hast yn theyne. 19 ‘Wenest thow Y well be owt on neyȝt? nay, _and_ God beffore; Was Y neuer owt a-neyt sen Y was bor_e_.’ 20 The tanner lokyd a bake tho; the heydes began to ffall; He was war of the keyng_es_ men, where they cam reydyng all. 21 Thes ys a theffe, thowt the tann_er_, Y prey to God geffe hem car_e_; He well haffe mey hors, mey heydes, _and_ all mey chaffar_e_. 22 ‘Ffor ffeleyschepe,’ seyde the tannar, ‘y[e]t well Y reyde w_i_t_h_ the; Y wot, war_e_ Y mete w_i_t_h_ the afft_er_ward, thow mast do as meche ffor me.’ 23 ‘God amar[sey],’ seyde owr_e_ kyng, ‘w_i_t_h_owt eney wone, Y schall prey þe lord Baset to thanke the sone.’ 24 Owr_e_ kyng seyde, What now tydyng herest [_þo_u] as _þo_u [dost] ryd? I wolde ffayne wot, ffor _þo_w reydest weyde. 25 ‘Y know [no] now teytheyng,’ þe tanner seyde, herke _and_ _þo_u schalt her_e_; Off al the chaffar that Y know, kow-heydys beyt der_e_.’ 26 _O_wr_e_ keyng seyde, On theyng on mey loffe Y the prey; What herest sey be the lord Baset yn thes contrey? 27 ‘I know hem not,’ seyde the tann_er_, ‘w_i_t_h_ hem Y hafe lytyll to don; Wolde he neuer bey of me clot-lether to clowt w_i_t_h_ schon.’ 28 How_re_ kyng seyde, Y loffe the well, of on thyng I þe praye; Thow hast harde hes s_er_vantes speke, what wolde þey saye? 29 ‘Ye, ffor God,’ seyde the tann_er_, ‘þ_a_t tell Y can; Thay sey thay leke hem well, for he ys a god man.’