30 Thos they reyd together talkyng, for soyt Y yow tell, Tell he met þe lord Baset; on kneys downe þey ffell. 31 Alas, the tann_er_ thowt, the kyng Y leue thes be; Y schall be honged, well Y wot, at men may me se. 32 He had no meynde of his hode nor cape ner_e_ a dell [more], Al ffor drede off hes leyffe he wende to haffe lo_re_. 33 The tann_er_ wolde a stole awey, whyle he began to speke; How_re_ kyng had yever an ey on hem, that he meyt not skape. 34 ‘God ffelow’, seyd owr_e_ kyng, ‘w_i_t_h_ me thow most abeyde, Ffor þow _and_ Y most an hontyng reyde.’ 35 Whan they com to Kyng Chas, meche game þey saye; Howr_e_ kyng seyde, Ffelow, what schall Y do, my hors ys so hey? 36 ‘God ffelow,’ [seyde owr_e_ kyng,] lend þow me theyne, . . . . . . . _and_ hafe here meyne.’ 37 Tho the tannar leyt do[w]ne _and_ cast a downe hes heydys; Howr_e_ kyng was yn hes sadell, no leyngg_er_ he beydes. 38 Alas, þeyn the tanner thowt, w_i_t_h_ mey hors he well reyde awey; Y well aft_er_, to get hem _and_ Y may. 39 He welde not leffe his heydys beheynde ffor no theyng. ..; He cast them yn the kyng_es_ schadyll; _Þat_ was a neys seyte. 40 Þo he sat aboffe them, as Y [y]ouw saye, He prekyd ffast aft_er_, _and_ ffond þe redey wey. 41 The hors lokyd abowt hem, _and_ sey on eu_er_y seyde . . . . . . the kow-hornes blake _and_ wheyte. 42 The hors went he had bor_e_ þe deuell on hes bake; The hors prekyd as he was wode, het mestoret to spor hem not. 43 The barker cleynt on hem ffast, he was sore afferde ffor to ffall; . . . . . . . . . . . . . . 44 The kyng lowhe [and had gode game,] _and_ was glad to ffollow þe chas; Lest þe tann_er_ wolde ber_e_ hem downe yette he was agast. 45 The hors sped hem sweythyli, he sped hem wonderley ffast; Ayen a bow of an oke the tann_er_es hed he brast. 46 W_i_t_h_ a stombellyng as he rode, þe tann_er_ downe he cast; The kyng lowhe _and_ had god game, _and_ seyde, S_er_, _þo_u rydyst to ffast. 47 The kyng lowhe and had god game, _and_ swar_e_ be Sent John, Seche another horsman say Y neuer_e_ none. 48 Owr_e_ kyng lowhe _and_ had god bord, _and_ swar_e_ be Sent Jame, Y most nedys lawhe, _and_ thow wer_e_ mey dame. 49 ‘Y bescro the same son,’ seyde the barker tho, ‘_Þa_t seche a bord welde haffe to se hes dame so wo.’ 50 When her hontyng was ydo, þey changyd hors agen; Þo the barker had hes howyn, þeyrof he was ffayne.