Geburi consuetudines inveniuntur multimode, et ubi sunt onerose et ubi sunt leviores aut medie. In quibusdam terris operatur opus septimane, II. dies, sic opus sicut ei dicetur per anni spatium, omni septimana; et in Augusto III. dies pro septimanali operatione, et a festo Candelarum ad usque Pascha III. Si averiat, non cogitur operari quamdiu equus ejus foris moratur. Dare debet in festo Scĩ Michaelis X. đ. de gablo, et Scĩ Martini die XXIII., et sestarium ordei, et II. gallinas. Ad Pascha I. ovem juvenem vel II. đ. Et jacebit a festo Scĩ Martini usque ad Pascha ad faldam domini sui, quotiens ei pertinebit. Et a termino quo primitus arabitur usque ad festum Scĩ Martini arabit unaquaque septimana I. acram, et ipse parabit semen domini sui in horreo. Ad hæc III. acras precum, et duas de herbagio. Si plus indigeat herbagio, arabit proinde sicut ei permittatur. De aratura gabli sui arabit III. acras, et seminabit de horreo suo et dabit suum heorðpenig; et duo et duo pascant unum molossum. Et omnis geburus det VI. panes porcario curie quando gregem suum minabit in pastinagium. In ipsa terra ubi hec consuetudo stat, moris est ut ad terram assidendam dentur ei II. boves et I. vacca, et VI. oves, et VII. acre seminate, in sua virgata terra. Post illum illum annum faciat omnes rectitudines que ad eum attinent; et committantur ei tela ad opus suum et suppellex ad domum suam. Si mortem obeat, rehabeat dominus suus omnia. Hæc consuetudo stat in quibusdam locis, et alicubi est, sicut prediximus, gravior, et alicubi levior; quia omnium terrarum instituta non sunt equalia. In quibusdam locis gebur dabit hunigablum, in quibusdam metegablum, in quibusdam ealagablum. Videat qui scyram tenet, ut semper sciat que sit antiqua terrarum institutio, vel populi consuetudo. GEBUR'S SERVICES.