Très chière et très amée fille, nous avons ce matin receu voz lettres et entendu par icelles comment vous désirez que vueillions ce jourduy aller au soupper et banquet avec vous et noz très chières et très amées filles. Sur quoy vous advertissons que de buon cueur nous nous y trouverons. Dieu en ayde qu'il, très chière et très amée fille, soit garde de vous. Donné en nostre chasteau de La Vueren, le xxiii jour de juing, l'an xvcxii. _P.S._--Nous serons à une heure après midi devers vous, pour parler à vous de quelque chose, et pour ce, que le souppé soit prest à cincq heures. Per Regem.--Plus bas, RENNER Maximilian to Margaret He is sending her a cross-bow destined to be sent as a gift to the King of England. (Cologne, le 16 septembre) 1512. Très chière et très amée fille, nous vous envoyons par nostre amé et féal escuier, Bourgrave de Bruxelles, le seigneur d'Aremberch, une arbalestre garnye d'un coffin et de trectz à ce servans; laquelle désirons que recevez bénignement dudit seigneur d'Aremberch, et que après, vous faictes refaire ledit coffin qui est couvert de cuyre par dessus, ou lieu dudit cuyre, d'argent doré, et puis le tout faire présenter à nostre frère, le roy d'Angleterre. A tant, très chière et très amée fille, nostre Seigneur soit garde de vous. Escript en nostre cité de Cohlongne le xvi jour de Septembre, l'an xvcxii. Maximilian to Margaret The emperor wishes the Archduke Charles to write good letters to his grandfather the King of Aragon, to his mother the Queen, and to his brother Don Ferdinand. (Weissembourg, le 6 janvier) 1512. Très chière et très amée fille, nous désirons et vous requérons que par le pourteur de cestes appellé Jehan de Spornede, espaignart, vous faictes escripre nostre filz, l'archiduc Charles, quelque bonnes lettres en walon (that is in French) au roy d'Arragon, son grant-père, à la royne sa mère et à son frère dom Fernande, et qu'il lui baille le titre d'archiduc d'Austriche; car nostre plaisir est tel. A tant, très chière et très amée fille, nostre Seigneur soit garde de vous. Escript en nostre ville de Wizembourg, le vi jour de janvier, l'an xvcxii. Per Regem.--Plus bas, BOTECHON Maximilian to Margaret He tells his daughter that he is satisfied with the way she governs, and hopes that she will continue to govern in the same way. (Autograph.) (le 3 février) 1512.