Le peupl et gentilhomes de Rom ount faet ung allyance contre les Franchoes et Espaingos est sunt xx combatans et nous ount mandé que yl veolunt estre pour nous pour faere ung papa à ma poste, et du l'empire d'Almaingne et ne veulent avoer ne Francos, Aregonoes, ne mains null Vénécien. Je commance aussy practiker les cardinaulx, dont IIc où IIIc mylle ducas me ferunt un grand service, aveque la parcialité qui est déjà entre eos. Le roy d'Arogon a mandé à son ambaxadeur que yl veult commander aux cardinaulx espaingnos que yl veulent favoryser le papat à nous. Je vous prie, tenés ceste matière empu secret; ossi bien en briefs jours je creins que yl fault que tout le monde le sache; car bien mal este possible de pratiker ung tel sy grand matère secrètement, pour laquell yl fault avoer de tant de gens et de argent succurs et practike, et à Diu, faet de la main de vostre bon père Maximilianus, futur pape. Le XVIIIe jour de Septembre. _P.S._--Le pape a ancor les vyevers dubls et ne peult longement fyvre. Maximilian to Margaret The emperor wishes his granddaughters to come to Brussels to see the park. (Original.) (le 20 juin) 1512. Très chière et très amée fille, pour ce que désirons que noz très chières et très amées filles venir en nostre ville de Bruxelles pour veoir le parck et y prandre leurs ébats par deux ou trois jours, nous vous requérons que nous vueillez incontinent icy envoyer tous voz chariotz, gens d'armes, et leurs damoiselles, comme dit est, lesquelles noz filles ferez logier ès chambres et quartier où nous estions logé, et nous nous tiendrons cependant à Wilvorde et à l'entour dudit Bruxelles. A tant, très chière et très amée fille, nostre Seigneur soit garde de vous. Escript en nostre ville de..., le xx jour de juing, l'an xvcxvii. _P.S._--Et vueillez avancer ledit envoy, que lesdits chariotz et lytière puissent estre icy demain. Per Regem.--Plus bas, RENNER Maximilian to Margaret The emperor sends some venison for his granddaughters. (Au chateau de La Vueren, le 22 juin.) Très chière et très amée fille, nous vous envoyons présentement le sommyer du serf que avons ce jour-duy prins à force et vous prions de icelluy faire aprester et en festyer à quelque disné ou souppé noz petites et très chières filles. En quoy, faisant, vous nous ferez chose bien agréable; ce scet nostre Seigneur qu'il, très chière et très amée fille, soit garde de vous. Escript en nostre chasteaul de La Vueren, le xxii jour de juing, l'an xvc et xii. Per Regem.--Plus bas, RENNER Maximilian to Margaret He accepts his daughter's invitation to dinner. He wishes this meal to be at five o'clock. (La Vueren, le 23 juin) 1512.