Take Connynges smyte hem to pecys. parboile hem and drawe hem with a gode broth with almandes blanched and brayed. do þerinne sugur and powdour gynger and boyle it and the flessh þerwith. flour it with sugur and with powdour gynger an serue forth. CHYKENS IN GRAVEY. XXVII. Take Chykens and serue hem the same manere and serue forth. FYLETTES [1] OF GALYNTYNE [2]. XXVIII. Take fylettes of Pork and rost hem half ynowh smyte hem on pecys. drawe a lyour of brede and blode. and broth and Vineger. and do þerinne. seeþ it wele. and do þerinne powdour an salt an messe it forth. [1] Fylettes. Fillets. [2] of Galyntyne. In Galyntyne. Contents, _rectlus_. As for _Galentine_, see the Gloss. PYGGES IN SAWSE SAWGE [1]. XXIX. Take Pigges yskaldid and quarter hem and seeþ hem in water and salt, take hem and lat hem kele [2]. take persel sawge. and grynde it with brede and zolkes of ayrenn harde ysode. temper it up with vyneger sum what thyk. and, lay the Pygges in a vessell. and the sewe onoward and serue it forth. [1] Sawge. Sage. As several of them are to be used, these pigs must have been small. [2] kele. Cool. SAWSE MADAME. XXX. Take sawge. persel. ysope. and saueray. quinces. and peeres [1], garlek and Grapes. and fylle the gees þerwith. and sowe the hole þat no grece come out. and roost hem wel. and kepe the grece þat fallith þerof. take galytyne and grece and do in a possynet, whan the gees buth rosted ynowh; take an smyte hem on pecys. and þat tat [2] is withinne and do it in a possynet and put þerinne wyne if it be to thyk. do þerto powdour of galyngale. powdour douce and salt and boyle the sawse and dresse þe Gees in disshes and lay þe sowe onoward. [1] Peares. Pears. [2] that tat, i.e. that that. Vide Gloss. GEES IN HOGGEPOT [1]. XXXI. Take Gees and smyte hem on pecys. cast hem in a Pot do þerto half wyne and half water. and do þerto a gode quantite of Oynouns and erbest. Set it ouere the fyre and couere [2] it fast. make a layour of brede and blode an lay it þerwith. do þerto powdour fort and serue it fort. [1] Hoggepot. Hodge-podge. _Ochepot_. Ms. Ed. No. 22. French, _Hochepot_. Cotgrave. See Junii Enym. v. _Hotch-potch_. [2] couere. Cover. CARNEL [1] OF PORK. XXXII. Take the brawnn of Swyne. parboile it and grynde it smale and alay it up with zolkes of ayren. set it ouere [2] the fyre with white Grece and lat it not seeþ to fast. do þerinne Safroun an powdour fort and messe it forth. and cast þerinne powdour douce, and serue it forth. [1] Carnel, perhaps _Charnel_, from Fr. _Chaire_. [2] ouere. Over. So again, No. 33. CHYKENNS [1] IN CAWDEL. XXXIII. Take Chikenns and boile hem in gode broth and ramme [2] hem up. þenne take zolkes of ayrenn an þe broth and alye it togedre. do þerto powdour of gynger and sugur ynowh safroun and salt. and set it ouere the fyre withoute boyllyng. and serue the Chykenns hole [3] oþer ybroke and lay þe sowe onoward.