May sic ill luck befa' that silly she, Wha has sic fears; for that was never me. Let fowk bode well, and strive to do their best; Nae mair's requir'd, let Heaven make out the rest. I've heard my honest uncle aften say, That lads shou'd a' for wives that's vertuous pray: For the maist thrifty man cou'd never get A well stor'd room, unless his wife wad let: Wherefore nocht shall be wanting on my part, To gather wealth to raise my Shepherd's heart. What e'er he wins, I'll guide with canny care, } And win the vogue, at market, tron, or fair, } For halesome, clean, cheap and sufficient ware. } A flock of lambs, cheese, butter, and some woo, Shall first be said, to pay the laird his due; Syne a' behind's our ain.--Thus, without fear, With love and rowth we thro' the warld will steer: And when my Pate in bairns and gear grows rife, He'll bless the day he gat me for his wife. JENNY. But what if some young giglit on the green, With dimpled cheeks, and twa bewitching een, Shou'd gar your Patie think his haff-worn Meg, And her kend kisses, hardly worth a feg? PEGGY. Nae mair of that;--Dear Jenny, to be free, There's some men constanter in love than we: Nor is the ferly great, when nature kind Has blest them with solidity of mind. They'll reason calmly, and with kindness smile, When our short passions wad our peace beguile. Sae, whensoe'er they slight their maiks at hame, 'Tis ten to ane the wives are maist to blame. Then I'll employ with pleasure a' my art, To keep him chearfu', and secure his heart. At even, when he comes weary frae the hill, I'll have a' things made ready to his will. In winter, when he toils thro' wind and rain, A bleezing ingle, and a clean hearth-stane. And soon as he flings by his plaid and staff, The seething pot's be ready to take aff. Clean hagabag I'll spread upon his board, And serve him with the best we can afford. Good-humour and white bigonets shall be Guards to my face, to keep his love for me. _Act 1, Scene 2._ Such are the sentiments of nature; nor is the language, in which they are conveyed, inadequate to their force and tenderness: for to those who understand the Scotish dialect, the expression will be found to be as beautiful as the thought. It is in those touches of simple nature, those artless descriptions, of which the heart instantly feels the force, thus confessing their consonance to truth, that Ramsay excels all the pastoral poets that ever wrote. Thus _Patie_ to _Peggy_, assuring her of the constancy of his affection: