Venerabiles ac religiosi viri in Christo carissimi. Post votiue salutis ac salutacionis affectum: cum omnes de conuentu fratrum vestrorum hereford’ in votis iam habeant ac desideriis intensis affectent, vt instruor, fratrem Johannem Dauid, cum prepollens virtutibus ac litterarum sciencia preditus et acceptus, vt dicitur, existat eisdem, suum ibidem habere lectorem eciam et regentem anno proximo iam futuro, vt ex sua inibi per tanti temporis interuallum exhibenda presencia feliciori valeat gubernari regimine. Vestram reuerenciam presentibus censui deprecandum ex corde, quatinus, desiderijs atque votis huius predicti Conuentus graciosius annuentes de predicto fratre Johanne, sub quo prefatus Conuentus maximam in religione ac scolastica disciplina dinoscitur obtinere proficiendi fiduciam, in hoc venerabili prouinciali vestro Capitulo eidem Conuentui eciam harum precium mearum intuitu dignemini, si placeat, prouidere; claro si libeat considerantes intuitu, quod Conuentus ille predictus, qui in perfeccione religionis et fame consueuerat hactenus haberi prefulgidus nisi celerius prouideatur eidem, ad lamentabilem, vt informor, in breui videbitur deuenire ruinam: Quod siquidem per ipsius confratris Johannis presenciam, vt speratur a multis Conuentui predicto beneuolis et amicis, apcius quam per alium poterit euitari. Ad scribendum communi vestro cetui venerando pro expedicione felici votiui desiderij supradicti Conuentus, pro tanto quod in fratrem de Conuentu predicto receptus existo, ac de cognacione mea non pauci Conuentui predicto beneuoli pro bono inibi exercendo regimine ad idem videre desiderant, et parentes mei et alij de genere meo multi in Conuentuali ibidem tumulantur ecclesia, multo procliuior sum effectus. Itaque super isto, vt vtilis effectus inde exequi videatur, cogitare dignetur vestra reuerencia prelibata. Omnia conseruare etc. 13 Decree of the General Chapter at Florence, A. D. 1467. In the _Definitio studiorum_ quoted by Sbaralea (Wadding, Sup. ad Script. p. 717) from the Acts of this Chapter, occurs the following clause. Ad provinciam Anglie possunt mittere omnes provincie Ordinis, scil. ad Studium Oxoniarum, Cantabrigie, et ad alia studia ejusdem provincie. 14 Recovery of debt from a Sheriff, A. D. 1488. Exchequer of Pleas; Plea Roll, 3 Hen. VII, m. 35. Pro Ricardo Salford querente versus Johannem Paston Militem nuper vicecomitem Comitatuum Norff’ et Suff’ defendentem in placito debiti per billam.