“Also yt ys ordend yt yf any of ye brethyrn or systyrs dey yt all ye breyeryn [bretheryn] sull cum to ye place of ye dede berying ye body to chyrche & yer to offyr for ye sowle & for to have messe of requiem & sythe to be tendannce in yat holy place tyl ye body be beryde & browth to erde, lesse yay have leve of the aldyrman for to go hoome, to ye which statute ye ffryerys ben exempte save a cowpul or too [two] & ye dene for his labour & lyghtys sall have of ye dede iiij_d._ “Also what brodyr or systyr sall be receyvyd into yis gylde he sall paye fyrste hys ffees yt ys v_d._ to ye wax 1_d._ to ye aldyman ij_d._ to ye clerke 1_d._ to ye dene 1_d._ & moreover to ye encres of ye gylde aft yt he sall pay xii_d._ “Wher yt was ordeynd syne be ye eleccyon of viii men so yt yt sulld be consent of ye aldyrman and ye gylde breyeryn, every brodyr & systyr yt sall be reseyves all pay ii_s._ & thereto they sall make a promesse upon yer feyth to be trew brodyr & systyr & to kepyn ye cowncellys of ye gylde & not to bewray yem & to kepe ye statutys of ye gylde & yt ye clerke geff hem her charge fforthwyth on ye sam day whych yf any go undyschargyd thorow ye negligens of ye clerke he sail for yche of yem 1_lb._ wax,—Also ye aldyrman sall have to hys costys on ye general day brede & ale & of sylvyr xi_d._” [To the above in the said MS. volume are subjoined the following particulars.] “MEMORANDUM. Sr John Wells has gyffen to this ffraternite a Maser with a prynte of seynt John’s hede in ye bothome, with a cover to ye same, wryten with, soft words swageth ye suffyr and have thi desyre, which maser shall remayne with the Wardeyn for the time beyng & alway to be present at every mornspech & general {479}—Also a towelle with a dubbyl w of dyapyr & a dozen sponys. “N.B. The above Sr John Wells was ffounder of this gild.” “_Memorandum_. There be xii sponys sylvyr gevyn be Willm. Lyster ye which weyyth xiii vn. [oz] a quartr. less.