[31] Ceterum consilium est semper de talibus inuasionibus suspicionem habere, non enim negandum maiorem earum partem esse aut fictiones, aut imaginationes, aut infirmitates, præsertim in mulieribus. _Praxis confessariorum_, n. 120. [32] Sæpissime, quæ putantur dæmonis obsessiones, non sunt nisi morbi naturales, aut Naturales imaginationes, uel etiam inchoata aut perfecta amentia. Quare caute omnino procedendum, usquedum per specialissima signa de obsessione constet. _Theologia mystica_, I. n. 228. [33] _Biblisches Realworterbuch_, Leipsig, 1833. [34] This word is found nowhere else in the New Testament, and wherever it is used in the LXX, it is invariably of the sayings of lying prophets, or those who practised arts forbidden by the Jewish Law. Thus of the witch of Endor (1 Kings (1 Samuel) xxviii. 8) μάντευσαι δή μοι ἐν τῷ ἐγγαστριομύθῳ, and (Ezechiel xiii. 6) βλέπουτες ψευδῆ, μαντευόμενοι μάταια. [35] Ordinandi, filii charissimi, in officium Exorcistarum, debitis noscere quid suscipitis. Exorcistam etenim oportet abiicere dæmones; et dicere populo, ut, qui non communicat, det locum; et aquam in ministerio fundere. Accipitis itaque potestatem imponendi manum super energumenos, et per impositionem manuum uestrarum, gratia spiritus sancti, et uerbis exorcismi pelluntur spiritus immundi a corporibus obsessis. Studete igitur, ut, sicut a corporibus aliorum dæmones expellitis, ita a mentibus, et corporibus uestris omnem immunditiam, et nequitiam eiiciatis; ne illis succumbatis, quos ab aliis, uestro ministerio, effugatis. Discite per officium uestrum uitiis imperare; ne in moribus uestris aliquid sui iuris inimicus ualeat uindicare. Tunc etenim recte in aliis dæmonibus imperabitis, cum prius in uobis eorum multimodam nequitiam superatis. Quod nobis Dominus agere concédât per Spiritum suum sanctum. [36] Accipite, et commendate memoriæ, et habete potestatem imponendi manus super energumenos, siue baptizatos, siue catechumenos. [37] Deum Patrem omnipotentem, fratres charissimi, supplices deprecamur, ut hos famulos suos bene ✠ dicere dignetur in officium Exorcistarum; ut sint spirituales imperatores, ad abiiciendos dæmones de corporibus obsessis, cum omni nequitia eorum multiformi. Per unigenitum Filium suum Dominum nostrum Iesum Christum, qui cum eo uiuit et regnat in unitate Spiritus sancti Deus, per omnia sæcula sæculorum. _R._ Amen. [38] Domine sancte, Pater omnipotens, æterne Deus, bene ✠ dicere dignare hos famulos tuos in officium Exorcistarum; ut per impositionem manuum, et oris officium, potestatem, et imperium habeant spiritus immundos coercendi: ut probabiles sint medici Ecclesiæ tuæ, gratia curationum uirtuteque cœlesti confirmati. Per Dominum nostrum Iesum Christum Filium tuum, qui tecum uiuit, et regnat in unitate Spiritus sancti Deus, per omnia sæcula sæculorum. _R._ Amen. _Post hæc, suggerente Archidiacono, redeunt ad loca sua._