“Comes Desmoniae generalis Catholicorum ferventer scripsit ad me superioribus diebus ut cum Sua Sanctitate agerem ut dignaretur per Bullam authenticam vel per Breve Apostolicum concedere terras possessionesque illorum qui interfecerunt Dominum Jacobum Geraldinum generalem vestrae Sanctitatis in Hibernia, Geraldo Geraldino filio praedicti D. Jacobi ut ipsi Geraldini vehementius habeant ansam inserviendi Sedi Apostolicae atque Suae Sanctitati, ac ut adversarii hoc concedendo terreantur ne Sedem Apostolicam impugnent neve istius Sedis Sanctissimae sint adversarii inter nos qui Anglis faveant atque opitulentur posthac quemadmodum hactenus. Quocirca nonnihil conducet negotio atque ad augmentationem fidei in Hibernia ut Sua Sanctitas consideret servitium Geraldinorum et potissimum Jacobi Gerald generalis Vestrae Sanctitatis et istius postremo comitis Desmoniae qui totis viribus impugnat maledictam reginam ejusque fautores quique progressus felices ipsam impugnando hactenus habuit. Proinde in praemium horum omnium Vestra Sanctitas dignetur concedere litteras atque possessiones istorum qui interfecerunt D. Jacobum Geraldinum, Domino Geraldo Geraldino filio praedicti D. Jacobi Generalis Vestrae Sanctitatis prout comes Desmoniae Suae Sanctitati fusissime scripsit: quod si fecerit Sua Sanctitas rem gratissimam comiti factura sit coeterosque pene nobiles Hibernos concitabit ut sibi Sedique Apostolicae inserviant, domumque Geraldinorum semper sibi addictissimam et promptissimam experietur. Christus Jesus Suam Sanctitatem nobis sospitem conservet in multos annos. “Ex Ulissipona, 1 Augusti, 1583. “Sanctitatis Vestrae, “filius atque addictissimus servus, “CORNELIUS LAONENSIS Episcopus”. 7. The seventh letter is addressed from Lisbon on 26th Nov. 1583, to Cardinal de Como: “Persaepe hactenus egi litteris cum Sua Sanctitate atque praesentia et verbo cum sua Majestate Catholica ut omnia tandem dignentur subvenire Regno Hiberniae misere hactenus desolato. Sed cum jam tempus adest subveniendi, censui rogare suam Dominationem Illustrissimam ut dignetur agere cum Sua Sanctitate, ut cum Rege Catholico agat, ut haec classis quae revertitur ex insula Tertiae transmittatur ad Hiberniam, qua transmissa Hibernia legibus sanctae matris ecclesiae atque Anglia propediem subjicietur. Denique haec erit proximior via qua sua Majestas habebit Flandriam quietam sibique subjectam.... “Valeat Dominus meus Illustrissimus, in Christo Jesu. “Ex Ulissipona, 26 Novemb., 1583. “Dominationis Suae Illustrissimae, “addictissimus servus, “CORNELIUS LAONENSIS Episcopus”. 8. Three months later another letter was addressed to the same cardinal, conveying the sad intelligence of the assassination of the Earl of Desmond: “ILLUSTRISSIME DOMINE,