Ie vous ay dit cy deuant, que tout le pays n'est qu'vne perpetuelle forest: car il n'a rien d'ouuert sinon les marges de la mer, les lacs & riuieres & où le flux de la mer, & des riuieres se desbordants causent des prairies, il y a quelques tels endroits bien beaux, & vastes en herbage, & pasturages, comme est la Baye de Chinictou, & la riuiere de Port Royal, & autres. Mais icy faut esuiter vne illusion, de laquelle plusieurs par mesgarde sont abusez. Car oyants parler ceux qui viennent de pays loingtains, & qui en racõtent les biens, & fertilité prou souuent auec amplification, (car [28] ainsi pensent-ils deuoir faire pour estre plus attentiuem[~e]t escoutez.) Ils estim[~e]t que ce qu'on leur magnifie de ces pays, se trouue tout par tout abondamment. Comme par ex[~e]ple, qui parlant de la Frãce diroit, Qu'il y a veu les bois & forests n'estre to^{9} que chastagniers, or[~e]giers & oliuiers, que poiriers & pommiers, tous si charges qu'ils en rõpoi[~e]t: certes celui-là diroit vray, car il est ainsi. L'estrangier neantmoins escoutãt y seroit trõpé: parce qu'il s'imagineroit qu'[~e] tous les quartiers de la Frãce, ou en la pluspart, tout cela se trouue: Et ne cõsidereroit pas, que les chastagniers sont en Perigord, à cent lieuës des orangiers, qui sont en Prouence: & les pommiers sont au pays de Caux en Normãdie, à cent lieuës des chastagniers, & à deux cents des oliuiers. Or quand le pays est bien peuplé, & habité ainsi qu'est la France, ceste recommandation [29] monstre grand heur, parce qu'au moyen du charroy & commerce, on se communique toutes ces opulences; mais en vn pays inculte & non ciuilisé, comme est Canada, il n'y a guiere plus de difference, que s'il n'y auoit qu'vne chose en vn lieu. Ie dy cecy parce que ceste prudence importe de beaucoup à ceux qui vont defricher nouuelles contrées, ainsi que nous autres François y allons volontiers à yeux clos, & teste baissée: croyants par ex[~e]ple, qu'estants en Canada, & ayants faim nous ne ferons qu'aller en vn' Isle, & là escrimãts d'vn gros baston à dextre, & à senestre, autant de coups, autant arresterons nous d'oiseaux, desquels chacun vaudra bien vn canart. Voila qui est bien dit, & ainsi l'ont fait nos gens plus que d'vne fois, & plus qu'en vn lieu. Cela va fort bien, si vous [30] n'auiés iamais faim sinon au t[~e]ps que ces oiseaux se trouuent en ces Isles, & si lors mesme vous estiez proches d'eux. Car si vous en estes à cinquante, ou soixante lieuës, que ferez-vous?