ils recognoissoy[~e]t fort bien estre non seulement vne prophanation du Christianisme, ains aussi vn'iniustice enuers les Sauuages. Car puis que c'est iniustice d'induire quelqu'vn à signer vne promesse, ou serment obligatoire sans luy donner à entendre les conditions ausquelles il s'astraint: combien plus le sera-il de pousser vn hõme de sens, & d'aage competent à faire profession solemnelle de la loy de Dieu, (ce qui se faict par le Baptesme,) sans qu'il ait esté iamais au parauãt nouice, ny qu'on [111] luy ait donné à entendre les regles & deuoirs de saditte profession? Les Sauuages n'ont point esté si hebetés, qu'ils n'ayent fort bien sceu nous reprocher cest' iniustice, d'autant qu'apres ces baptesmes, que nous auons dit, comme les Iesuites requeroyent, qu'ils quittassent la Polygamie, & vescussent Chrestiennement, puis qu'ils s'y estoyent obligés; ils leur dirent, que nous estions de meschantes gents, qui leur voulions faire accroire qu'ils eussent cõtracté à des conditions, lesquelles ils n'auoyent iamais entendu, ny peu entendre. A ces causes dõc les Iesuites dilayants le Baptesme de ceux, qui le desiroyent, se mirent auec toute dilig[~e]ce possible à traduire en Canadois l'oraison Dominicale, & la salutation de l'Ange, le Symbole, & les Commandements de Dieu, & de l'Eglise [112] auec vne petite explication des Sacremens, & quelques oraisons, car c'estoit toute la Theologie, de laquelle ils auoyent besoin. Si n'y eust-il moyen d'en venir à bout; nõ pas d'vn tiers, ou quart de tout cela, ainsi que nous monstrerons tantost.