I'ESCRIVIS l'an passé à Vostre Reuerence (enuiron la my-Iuillet) le succés de nostre voyage; depuis ce temps ie n'ay peu vous escrire, à cause que les vaisseaux n'abordent icy qu'vne fois l'an. C'est pourquoy il ne faut attendre des nouuelles de nous que d'annee en annee: Et si ces vaisseaux venoient vne fois à manquer, ce seroit bien merueille si vous en receuiez deuant deux ans; outre qu'il nous faudroit ceste annee attendre de l'vnique prouidence de Dieu les choses necessaires à l'entretien de ceste vie. Donc depuis mes dernieres, voicy ce que i'ay peu recognoistre de ce païs, & ce qui s'est passé: Ce païs est d'vne grande estenduë, ayant bien mille ou douze cens lieuës de longueur; sa largeur, enuiron le 40. degrez vers l'Orient; il est borné de la mer Oceane, & vers l'Occident, de la mer de la Chine. Plusieurs Nations l'habitent: lon m'en a nommé 38. ou 40. sans celles que lon ne cognoist pas, que les Sauages neantmoins asseurent. Le lieu où les François se sont habituez appellé Kebec, est par les 46. degrez & demy, sur le bord d'vn des plus beaux fleuues du monde, appellé par les François, la riuiere de sainct Laurens, esloigné pres de deux cens lieuës de l'emboucheure du dit fleuue, & cep[~e]dãt le flot monte encore 35. ou 40. lieuës au dessus de nous. [4] L'endroit le plus estroit de ceste riuiere est vis à vis de l'habitation, & toutesfois sa largeur y est plus d'vn quart de lieuë. Or quoy que le païs où nous sommes soit par les 46 degrez & demy plus Sud que Paris de pres de deux degrez, si est-ce que l'Hyuer, pour l'ordinaire, y est de 5. mois & demy; les neiges de 3. ou 4. pieds de hauteur; mais si obstinees qu'elles ne fondent point pour l'ordinaire que vers la my-Auril, & commencent tousiours au mois de Nouembre, pendant tout ce temps on ne void point la terre; voire mesme nos François m'ont dit, qu'ils auoient traisné le may sur la nege, au premier iour de May: L'annee mesme que nous arriuasmes, & ce auec des raguettes; car c'est la coustume en ce païs de marcher sur des raguettes pendãt l'Hyuer, de peur d'enfoncer dans la neige, à l'imitation des Sauuages, qui ne vont point autrem[~e]t à la chasse de l'orignac. Le plus doux Hyuer qu'on ait veu, est celuy que nous y auons passé (disent les Anciens habitans) & cependant les neiges commencerent le 16. Nouembre, & vers la fin de Mars commencerent à fondre, la longueur & continuation des neiges est cause que lon pourroit douter si le froment & le seigle reussiroit bien en ce païs; i'en ay veu neãtmoins d'aussi beau qu'en vostre France, & mesme le nostre que nous y auons semé, ne luy cede en rien; pour plus grande asseurance il faudroit y semer du bled mesteil; l'orge & l'auoine y viennent le mieux du monde, plus grainuës beaucoup qu'en France. C'est merueille de voir nos pois tant ils sont beaux. Ainsi la terre n'est pas ingrate (comme vostre Reuerence peut voir.) Plus on va montant la riuiere, & plus on s'apperçoit de la bonté d'icelle. Les vents qui