Or il y auoit vn Puritain Anglois, maistre du grand nauire plus malin que tous les autres, dissimulé neantmoins, car ils faisoit les plus beaux semblants du monde: mais les autres Anglois nous aduertissoi[~e]t de ne no^{9} point fier en luy, d'autant qu'il estoit malignement enuenimé contre nous. Cestuy-cy donc voyant son coup, persuadoit au Capitaine, & au Lieutenant, lesquels il voyoit esmeus, d'abandonner à terre le Iesuite, disant, qu'il estoit estoit indigne que les Anglois, luy donnassent des viures, puis qu'il les auoit voulu empescher d'[~e] auoir, [269 i.e., 271] & mille autres raisons qu'il alleguoit. Ie ne sçay qui secourust tant à propos le Iesuite en ce danger, que sa simplicité. Car tout de mesme, que s'il eust esté bien fauorisé, & qu'il eust peu beaucoup enuers ledit Anglois, il se mit à genoux deuãt le Capitaine par deux diuerses fois, & à deux diuerses occasions, à celle fin de le flechir à misericorde enuers les François dudit Port Royal esgarés par les bois, & pour luy persuader de leur laisser quelques viures, leur chaloupe, & quelqu'autre moyen de passer l'Hyuer. Et voyez combien differentes petitions on faisoit audit Capitaine: car au mesme temps, que le P. Biard le supplioit ainsi pour les François, vn François crioit de loin auec outrages, & iniures tres indignes à haute voix, qu'il le falloit massacrer. Or Argal (qui est d'vn coeur [270 i.e., 272] noble,) voyant ceste tant syncere affection du Iesuite, & de l'autre costé ceste tant bestiale & enragée inhumanité de ce François, laquelle ne recognoissoit ny sa propre nation, ny biens-faicts, ny Religion, ny estoit domtée par l'affliction & verges de Dieu, estima que ce luy seroit tousiours reproche, & impropere, si sans iugement, & sans auoir ouy parties, il venoit à delaisser pour vne accusation subtile, celuy à qui il auoit donné sa parole. Et par ainsi reietta tout ensemble, & la suasion de l'Anglois, & la forcenerie du François, d'autant plus appaisé enuers le Iesuiste, que plus il le voyoit attaqué sans qu'il remarquait en luy changement, ou alteration.