embark, the Savages, who were, in fact, sick, said they could not carry more than three,--two young Frenchmen, and one Father. The Fathers promised that they would paddle; they made presents, and Monsieur du Plessis made some also and urged them as strongly as he could; they would not receive any more. Le Pere Brebœuf a recours à Dieu, [330] voicy comme il parle en sa lettre: Iamais ie ne veys embarquement tant balotté & plus trauersé par les menées, comme ie croy de l'ennemy commun du salut des hommes, c'est vn coup du Ciel que nous soyons passé outre, & en effect du pouuoir du Glorieux sainct Ioseph, auquel Dieu m'inspira dans le desespoir de toutes choses, de promettre 20. sacrifices en son honneur; ce veu fait, le Sauuage qui auoit embarqué Petit Pré, l'vn de nos François, le quitta pour me prendre, veu mesme que Monsieur du Plessis insistoit fort que cela se fist. Et ainsi le Pere Brebœuf, le Pere Daniel, & vn ieune homme nommé le Baron, furent acceptez de ces Barbares qui les portent en leur pays dans des Canots d'escorce. Restoient le Pere Dauost, & cinq de nos François, ne demandez pas si le Pere estoit triste: voyant partir ses compagnons sans luy, & sans quasi rien porter des choses necessaires pour leur vie, & pour leurs habits: De verité ils ont monstré qu'ils auoient vn grand cœur! car le desir d'entrer dans le pays de la Croix, leur fit quitter leur petit bagage, pour ne point chercher [331] leurs Sauuages qui se trouuoient mal, se contentants des ornements de l'Autel, & se confiant du reste en la prouidence de nostre Seigneur, leur depart de trois Riuieres fut si precipité, qu'ils ne peurent pas nous rescrire: mais estant arriuez au lõg Sault, à quelque quatre vingts lieuës de Kebec, & rencontrant des Hurons qui descendoient, ils nous enuoyerent quelques lettres, dans l'vne desquelles le Pere Brebœuf ayant raconté les difficultez de son embarquement, parle ainsi: Ie prie V. R. de remercier, mais de bonne façon Monsieur du Plessis, auquel apres Dieu nous deuons grandement en nostre embarquement: car outre les presents qu'il a fait aux Sauuages, tant publics que particuliers, & la Porcelaine qu'il a traittée, il a tenu autant de conseils que nous auons desiré, il nous a fourny de viures au depart, & nous a honorez de plusieurs coups de Canon; & le tout auec vn grand soing & vn tesmoignage d'vne tres-particuliere affection.