30 L'experience nous fait voir, que ceux de la Compagnie qui viennent en la Nouuelle France, il faut qu'ils y soient appellez par vne vocation speciale & bien forte; que ce soit gens morts & à soy, & au monde; hõmes veritablement Apostoliques, qui ne cherchent que Dieu, & le [242] salut des ames, qui aiment d'amour la Croix, & la mortification; qui ne s'espargnent point; qui sçachent supporter les trauaux de la mer & de la terre, & qui desirent plus la conuersion d'vn Sauuage, que l'Empire de toute l'Europe; qui ayent des cœurs de Dieu, & tous remplis de Dieu; qui soient comme des petits Iean Baptistes, criant parmy ces deserts & ces forests, comme des voix de Dieu, qui appellent tous ces pauures Sauuages à recognoistre Iesus-Christ; en fin que ce soient des hommes qui ont tous leurs contentemens dans Dieu, & ausquels les souffrances soient leurs plus cheres delices. Voila ce que l'experience nous fait veoir tous les iours: mais aussi il est vray, qu'il semble que Dieu respande bien plus abondamment les rosées de ses graces sur cette Nouuelle France, que sur la vieille, [243] & que les cõsolations interieures, & les Diuines infusions y sont bien plus solides, & les cœurs bien plus embrasez. _Nouit Dominus qui sunt eius._ Mais il n'appartient qu'à Dieu de faire le choix de ceux dont il se veut seruir, & ausquels il fait cette misericorde de les amener en la Nouuelle France, pour en faire des saincts. Sainct François Xauier disoit qu'il y auoit vne Isle en Orient, qui estoit bien propre pour faire perdre la veuë à force de plorer de ioye excessiue du cœur; ie ne sçay si nostre Nouuelle France ressemble point ceste Isle: mais nous experimẽtons que si quelqu'vn icy s'abandonne à Dieu à bon escient, il court hazard d'y perdre la veuë, & la vie, & tout, & auec grande ioye à force de trauailler; il n'appartient qu'à ceux qui y sont, & qui goustent Dieu, d'en parler par experience.