_Ant._ Princeps ecclesie, pastor ouilis, cunctam plebem tuam benedicere digneris. _Hic conuertat se ad populum sic dicendo_: Cum mansuetudine et caritate, humilitate uos ad benediccionem. _Chorus respondeat_: Deo gracias. _Deinde retradat baculum Episcopo, et tunc Episcopus Puerorum, primo signando se in fronte, dicat, hoc modo incipiens_: Adiutorium nostrum in nomine Domini: _Chorus respondeat sic_: Qui fecit celum et terram. _Item Episcopus, signando se in pectore, dicat sic_: Sit nomen Dei benedictum: _Chorus respondeat_: Ex hoc nunc, et vsque in seculum. _Deinde Episcopus Puerorum, conuersus ad clerum, eleuet brachium suum, et dicat hanc benediccionem_: Crucis signo uos consigno: _Hic conuertat se ad populum, sic dicendo_: Nostra sit tuicio. _Deinde conuertat se ad altare, dicens_: Qui nos emit et redemit, _Postea ad seipsum reuersus ponat manum suam super pectus suum dicendo_: Sue carnis precio, _Chorus respondeat, vt sequitur_, Amen. _His itaque peractis incipiat Episcopus Puerorum COMPLETORIUM de die, more solito, post_ Pater Noster _et_ Aue Maria. _Et post Completorium dicat Episcopus Puerorum ad chorum conuersus sub tono supradicto._ Adiutorium nostrum in nomine Domini, _Chorus respondeat_: Qui fecit celum et terram. _Episcopus Puerorum dicat_: Sit nomen Domini benedictum: _Chorus._ Ex hoc nunc, et vsque in seculum. _Deinde dicat Episcopus_: Benedicat nos omnipotens Deus, Pater, et Filius, et Spiritus Sanctus. _Chorus_: Amen. ⸿ _In die SS. Innocencium_ si in DOMINICA euenerit: _Eodem modo processio fiat vt in die S. Stephani, excepto quod hac die tres pueri prosam in eundo dicant, in medio procedentes: que in ipsa stacione ante crucem ab eisdem terminetur._ _In eundo, R._ Centum quadraginta. _V._ Hij empti. _Prosa._ Sedentem in superne. _Sequatur._ Gloria Patri, et Filio. Ideo. _In introitu chori, de Natiuitate, vt supra._ AD MATUTINAS _in Die Innocencium_: _In tercio Nocturno, post lecciones et cetera, ad gradum altaris omnes pueri incipiant nonum Responsorium._ _R._ Centum quadraginta, _ut supra_. _Omnes simul dicant uersum_: _V._ Hij empti. Gloria Patri. Ideo. _V._ Justi autem. IN LAUDIBUS, _post Ps._ Laudate, _Episcopus Puerorum dicat modesta uoce, quasi legendo, Capitulum, loco nec habitu mutato, quia per totum diem capa serica vtitur_ (Apoc. xix.) _Cap._ Vidi supra montem Syon Agnum stantem, &c. _Ympnus._ Rex gloriose martirum. _De Communi plurimorum martirorum_ (Brev. Sarum, ii. 406). _V._ Mirabilis Deus. _Ant._ Hij sunt qui cum mulieribus, _et cetera, quam precentor dabit Episcopo_. _Ps._ Benedictus. _Oracio._ Deus, cuius hodierna, &c. Qui tecum uiuit. _Tunc omnes pueri dicant, loco_ Benedicamus, Verbum Patris (Brev. Sarum, i. p. cxc). _Chorus respondeat._ _Consequenter dicat Episcopus Puerorum benediccionem super populum eodem modo quo ad uesperas precedentes._