In die sancto paschae ... eiusdem tempore noctis antequam matutinorum signa moveantur sumant editui crucem et ponant in loco sibi congruo.... Dum tertia recitatur lectio quatuor fratres induant se, quorum unus alba indutus ac si ad aliud agendum ingrediatur atque latenter sepulchri locum adeat, ibique manu tenens palmam quietus sedeat. Dumque tertium percelebratur responsorium residui tres succedant, omnes quidem cappis induti turribula cum incensu manibus gestantes ac pedetemptim ad similitudinem querentium quid veriant ante locum sepulchri. Aguntur enim haec ad imitationem angeli sedentis in monumento atque mulierum cum aromatibus venientium ut ungerent corpus Ihesu. Cum ergo ille residens tres velut erraneos ac aliquid querentes viderit sibi adproximare incipiat mediocri voce dulcisono cantare _Quem quaeritis_: quo decantato fine tenus respondeant hi tres uno ore _Ihesum Nazarenum_. Quibus ille, _Non est hic: surrexit sicut praedixerat. Ite nuntiate quia surrexit a mortuis._ Cuius iussionis voce vertant se illi tres ad chorum dicentes _Alleluia: resurrexit dominus_. Dicto hoc rursus ille residens velut revocans illos dicat antiphonam _Venite et videte locum_: haec vero dicens surgat et erigat velum ostendatque eis locum cruce nudatum sed tantum linteamina posita quibus crux involuta erat. Quo viso deponant turribula quae gestaverunt in eodem sepulchro sumantque linteum et extendant contra clerum, ac veluti ostendentes quod surrexerit dominus, etiam non sit illo involutus, hanc canant antiphonam, _Surrexit dominus de sepulchro_, superponantque linteum altari. Finita antiphona Prior, congaudens pro triumpho regis nostri quod devicta morte surrexit, incipiat hymnum _Te deum laudamus_: quo incepto una pulsantur omnia signa. P THE DURHAM SEPULCHRUM [From _A Description or Breife Declaration of all the Ancient Monuments, Rites and Customes belonginge or beinge within the Monastical Church of Durham before the Suppression_ (ed. J. Raine, Surtees Soc. xv). This anonymous tract was written in 1593. A new edition is in course of preparation for the Surtees Society.] p. 9. THE QUIRE—THE PASSION.