In die Parascevae agatur nocturna laus [i.e. the _Tenebrae_] sicut supra dictum est. Post haec venientes ad primam discalceati omnes incedant quousque crux adoretur. Eadem enim die hora nona abbas cum fratribus accedat ad ecclesiam.... Postea legitur passio domini nostri Ihesu Christi secundum Iohannem.... Post haec celebrentur orationes.... Quibus expletis per ordinem statim preparetur crux ante altare interposito spatio inter ipsam et altare sustentata hinc et inde a duobus diaconibus. Tunc cantent.... Deferatur tunc ab ipsis diaconibus ante altare, et eos acolitus cum pulvillo sequatur super quem sancta crux ponatur.... Post haec vertentes se ad clerum nudata cruce dicant antiphonam _Ecce lignum crucis_.... Ilico ea nudata veniat abbas ante crucem sanctam ac tribus vicibus se prosternat cum omnibus fratribus dexterioris chori scilicet senioribus et iunioribus et cum magno cordis suspirio viiᵐ poenitentiae psalmos cum orationibus sanctae cruci competentibus decantando peroret.... Et eam humiliter deosculans surgat. Dehinc sinisterioris chori omnes fratres eadem mente devota peragant. Nam salutata ab abbate vel omnibus cruce redeat ipse abbas ad sedem suam usque dum omnis clerus ac populus hoc idem faciat. Nam quia ea die depositionem corporis salvatoris nostri celebramus usum quorundam religiosorum imitabilem ad fidem indocti vulgi ac neofitorum corroborandam equiparando sequi si ita cui visum fuerit vel sibi taliter placuerit hoc modo decrevimus. Sit autem in una parte altaris qua vacuum fuerit quaedam assimilatio sepulchri velamenque quoddam in gyro tensum quod dum sancta crux adorata fuerit deponatur hoc ordine. Veniant diaconi qui prius portaverunt eam et involvant eam sindone in loco ubi adorata est. Tunc reportent eam canentes antiphonas ... donec veniant ad locum monumenti depositaque cruce ac si domini nostri Ihesu Christi corpore sepulto dicant antiphonam.... In eodem loco sancta crux cum omni reverentia custodiatur usque dominicae noctem resurrectionis. Nocte vero ordinentur duo fratres aut tres aut plures si tanta fuerit congregatio, qui ibidem psalmos decantando excubias fideles exerceant.... [The _Missa de Praesanctificatorum_ follows] ... Sabbato sancto hora nona veniente abbate in ecclesiam cum fratribus novus ut supra dictum est afferatur ignis. Posito vero cereo ante altare ex illo accendatur igne. Quem diaconus more solito benedicens hanc orationem quasi voce legentis proferens dicat....