_April 14, 1552._ ‘The said day, the counsell, all in ane voce, havand respect and consideratioune that the lordis of Bonnacord in tymes bygane hase maid our mony grit, sumpteous, and superfleous banketing induring the tyme of thair regnn, and specialie in May, quhilks wes thocht nother profitabill nor godlie, and did hurt to sundry young men that wer elekit in the said office, becaus the last elekit did aye pretent to surmont in thair predecessouris in thair ryetouss and sumpteous banketing, and the causs principal and gud institutiounn thairof, quhilk wes in halding of the gud toun in glaidnes and blythtnes, witht danssis, farsiis, playis, and gamis, in tymes convenient, necleckit and abusit; and thairfor ordinis that in tyme cummin all sic sumpteous banketing be laid doun aluterlie except thre sobir and honest, vizt., upoun the senze day, the first Sonday of May, and ane [ ] upoun Tuisday efter Pasche day, and na honest man to pass to ony of thair banketis except on the said thre dais allanerlie; and in ane place of the forsaid superfleouss banketing to be had and maid yeirly to generall plais, or ane at the lest, with danssis and gammes usit and wont; and quha souer refuisis to accept the said office in tyme cumming, beand elekit thairto be the toun, to tyne his fredome, priuelege, takis, and profit he hes or ma haf of the toun, and neuer to be admittit frathinfurtht to office, honour, nor dingnete.’ _May 27, 1552._ Grant of fee, larger than usual, ‘be ressoune that thai ar put to grytar coist this yeir nor utheris that bar office before thaim hes bene put to, and that be ressoune of cummyng of the quenis grace, my lord governor, and the maist of the lords and grit men of this realme, presently to this toun.’ [1555. Parliament ‘statute and ordanit that in all tymes cumming na maner of persoun be chosin Robert Hude nor Lytill Johne, Abbot of vnressoun, Quenis of Maij, nor vtherwyse, nouther in Burgh nor to landwart in ony tyme to cum, and gif ony Prouest, Baillies, counsall, and communitie, chesis sic ane Personage as Robert Hude, Lytill Johne, Abbottis of vnressoun, or Quenis of Maij within Burgh, the chesaris of sic sall tyne thair fredome for the space of fyve zeiris, and vther wyse salbe punist at the Quenis grace will, and the acceptar of sicklyke office salbe banist furth of the Realme. And gif ony sic persounis sic as Robert Hude, Lytill Johne, Abbottis of vnresson, Quenis of Maij, beis chosin outwith Burgh and vthers landwart townis, the chesars sall pay to our Souerane Lady x pundis, and thair persounis put in waird, thair to remane during the Quenis grace plesoure. And gif ony wemen or vthers about simmer treis singand makis perturbatioun to the Quenis liegis in the passage throw Burrows and vthers landwart townis, the wemen perturbatouris for skafrie of money or vtherwyse salbe takin handellit and put upon the Cukstulis of everie Burgh or towne.’]