_May 4, 1562._ ‘John Kelo, belman, wes accusit in jugement for the passing throw the rewis of the toune with the hand bell, be oppin voce, to convene the haill communitie, or sa mony thairof as wald convene, to pass to the wood to bring in symmer upoun the first Sonday of Maii, contravinand the actis and statutis of the quenis grace, and lordis of consell, eppeirandlie to raise tumult and ingener discord betuix the craftismen and the fre burgessis of gild, and the saidis craftismen to dissobey and adtempt aganis the superioris of the toun, gif it stuid in thair power, as the saidis prowest and baillies ar informit, the said Johnne hawing na command of the saidis prowest and baillies to do the same; and inlykwyise, Alexander Burnat _alias_ Potter wes accusit for passing throw the toun with ane swech, to the effect and occasioun aboun wryttin.’ _May 14 and 18, 1565._ Several citizens disfranchised for disobeying the proclamation made by ‘Johnne Kelo, belman,’ forbidding any persons ‘to mak ony conventione, with taburne plaing, or pype, or fedill, or have anseinges, to convene the quenis legis, in chusing of Robin Huid, Litill Johnne, Abbot of Ressoune, Queyne of Maii, or sicklyk contraveyne the statutis of parliament, or mak ony tumult, scism, or conventione.’ _Royal Entry._ The entertainment of Queen Margaret, wife of James IV, in May, 1511, seems to have included some of the pageants from the Nativity cycle. The following extract is from Dunbar’s _The Quenis Reception at Aberdein_[755]:— ‘Ane fair processioun mett hir at the Port, In a cap of gold and silk, full pleasantlie, Syne at hir entrie, with many fair disport, Ressauet hir on streittis lustilie; Quhair first the salutatioun honorabilly Of the sweitt Virgin, guidlie mycht be seine; The sound of menstrallis blawing to the sky; Be blyth and blisfull, burgh of Aberdein. And syne thow gart the orient kingis thrie Offer to Chryst, with benyng reuerence, Gold, sence, and mir, with all humilitie, Schawand him king with most magnificence; Syne quhow the angill, with sword of violence, Furth of the joy of paradice putt clein Adame and Eve for innobedience; Be blyth and blisfull, burgh of Aberdein. And syne the Bruce, that euir was bold in stour, Thow gart as roy cum rydand vnder croun, Richt awfull, strang, and large of portratour, As nobill, dreidfull, michtie campioun; The [nobill Stewarts] syne, of great renoun, Thow gart upspring, with branches new and greine, Sa gloriouslie, quhill glaided all the toun: Be blyth and blisfull, burgh of Aberdein.