My luve 's in Germanie, send him hame, send him hame; My luve 's in Germanie, send him hame; My luve 's in Germanie, Fighting brave for royalty: He may ne'er his Jeanie see-- Send him hame. He 's as brave as brave can be--send him hame, send him hame; He 's as brave as brave can be--send him hame; He 's as brave as brave can be, He wad rather fa' than flee; His life is dear to me-- Send him hame. Your luve ne'er learnt to flee, bonnie dame, bonnie dame, Your luve ne'er learnt to flee, bonnie dame; Your luve ne'er learnt to flee, But he fell in Germanie, In the cause of royalty, Bonnie dame. He 'll ne'er come ower the sea--Willie 's slain, Willie 's slain; He 'll ne'er come ower the sea--Willie 's gane! He 'll ne'er come ower the sea, To his love and ain countrie: This warld 's nae mair for me-- Willie 's gane! [18] This song was originally printed on a single sheet, by N. Stewart and Co., Edinburgh, in 1794, as the lament of a lady on the death of an officer. It does not appear in Macneill's "Poetical Works," but he asserted to Mr Stenhouse his claims to the authorship.--Johnson's "Museum," vol. iv. p. 323. DINNA THINK, BONNIE LASSIE.[19] TUNE--_"Clunie's Reel."_ "Oh, dinna think, bonnie lassie, I 'm gaun to leave thee! Dinna think, bonnie lassie, I 'm gaun to leave thee; Dinna think, bonnie lassie, I 'm gaun to leave thee; I 'll tak a stick into my hand, and come again and see thee." "Far 's the gate ye hae to gang; dark 's the night, and eerie; Far 's the gate ye hae to gang; dark 's the night, and eerie; Far 's the gate ye hae to gang; dark 's the night, and eerie; Oh, stay this night wi' your love, and dinna gang and leave me." "It 's but a night and hauf a day that I 'll leave my dearie; But a night and hauf a day that I 'll leave my dearie; But a night and hauf a day that I 'll leave my dearie; Whene'er the sun gaes west the loch, I 'll come again and see thee." "Dinna gang, my bonnie lad, dinna gang and leave me; Dinna gang, my bonnie lad, dinna gang and leave me; When a' the lave are sound asleep, I 'm dull and eerie; And a' the lee-lang night I 'm sad, wi' thinking on my dearie." "Oh, dinna think, bonnie lassie, I 'm gaun to leave thee! Dinna think, bonnie lassie, I 'm gaun to leave thee; Dinna think, bonnie lassie, I 'm gaun to leave thee; Whene'er the sun gaes out o' sight, I 'll come again and see thee."