semotis per dies aliquot, ut de æternâ fui ipsorum salute seriò et unicè cogitent, ut maxime conducibilia ad reformandos mores, et ad Christianam pietatem hauriendam nutriendamque, magnopere probamus, et laudamus: congregationes præterea, seu sodalitia, non modo adolescentium, qui ad scholas ventitant societatis Jesu, sed quævis alia, sive scholarium tantum, sive aliorum Christi fidelium tantum, sive utrorumque simul sub invocatione beatæ Mariæ, seu quovis alio titulo erecta, et quæ in iis pia opera ferventi studio exercentur, probamus, præcipuamque erga beatam Dei Genitricem semper Virginem Mariam devotionem, quæ in iis sodalitiis alitur, et promovetur, magnopere commendamus, nostrorumque fel. record. prædecessorum Gregorii XIII, Sixti V, Gregorii XV, et Benedicti XIV constitutiones, quibus ea sodalitia approbârunt, nos apostolicâ auctoritate nostrâ confirmamus, cæterasque omnes constitutiones à Romanis pontificibus prædecessoribus nostris in ejusdem instituti societatis Jesu functionum approbationem, et laudem conditas, quarum singulas hic haberi volumus pro insertis, auctoritate itidem nobis à Deo traditâ, apostolicæ confirmationis nostræ robore, per hanc nostram constitutionem, munitas volumus, et si opus sit, velut à nobis ex integro conditas, editasque censeri præcipimus, et mandamus. Nulli ergo omnino hominum liceat hanc paginam nostræ approbationis, et confirmationis infringere, vel ei ausu temerario contraire: si quis autem hoc attentare præsumpserit, indignationem Omnipotentis Dei et beatorum Petri et Pauli apostolorum ejus se noverit incursurum. {340} Datum Romæ apud Sanctam Mariam Majorem*, anno incarnationis Dominicæ millesimo septingentesimo sexagesimo quarto, septimo idus Januarii, pontificatûs nostri anno septimo. C. Card. Pro-Datarius. N. Card. Antonellus. Visa, De Curia J. Manassei. L. Eugenius. (Loco Plumbi.) _Registrata in Secretaria Brevium._ * Curia Romana annum inchoat à Feste Annuntiationis B. Mariæ, quod incidit in diem 25 Martii, adeoque septimus idus Januarii 1764, coincidit cum 7 Januarii hujus anni 1765, secundùm nostram computandi rationem. _Translation._ CLEMENT, BISHOP, SERVANT OF THE SERVANTS OF GOD, FOR A PERPETUAL RECORD.