He shaped it bairn and bairnly-like, And in ’t twa glasses e’en he pat[90]. XXXVI He did him till his mither then, And bade her to his boy’s christ’nen. XXXVII And he did stand a little forbye[91], And noticed well what she did say. XXXVIII ‘O wha has loosed the nine witch-knots That was among that ladie’s locks? XXXIX ‘And wha has ta’en out the kaims[92] o’ care That hangs among that ladie’s hair? XL ‘And wha’s ta’en down the bush o’ woodbine That hangs atween her bower and mine? XLI ‘And wha has kill’d the master kid That ran aneath that ladie’s bed? XLII ‘And wha has loosed her left-foot shee[93] And letten that ladie lighter be?’ XLIII Syne Willy has loosed the nine witch-knots That was among his ladie’s locks: XLIV And Willy’s ta’en out the kaims o’ care That hang among his ladie’s hair: XLV And Willy’s ta’en down the bush o’ woodbine That hang atween her bower and thine: XLVI And Willy has kill’d the master kid That ran aneath his ladie’s bed: XLVII And Willy has loosed her left-foot shee, And letten his ladie lighter be. XLVIII And now he’s gotten a bonny young son, And mickle grace be him upon! FOOTNOTES: [84] gar’d her drie = caused her to suffer. [85] lighter = i. e. delivered of her child. [86] tett = tuft. [87] chess =? jess, strap. [88] Billy Blind = a Brownie, or friendly House-spirit. [89] pit = put. [90] pat = did put. [91] forbye = aside. [92] kaims = combs. [93] shee = shoe. _7. The Queen of Elfland’s Nourice_ I _‘I heard a cow low, a bonnie cow low, And a cow low down in yon glen: Lang, lang will my young son greet[94] Or his mither bid him come ben[95]!_ II _‘I heard a cow low, a bonnie cow low, And a cow low down in yon fauld: Lang, lang will my young son greet Or his mither take him frae cauld!’_ III [The Queen of Elfan’s nourice[96] She sits and sings her lane] ‘Waken, Queen of Elfan And hear your nourice moan.’-- IV ‘O moan ye for your meat, Or moan ye for your fee, Or moan ye for the ither bounties That ladies are wont to gie?’-- V ‘I moan na for my meat, Nor moan I for my fee, Nor moan I for the ither bounties That ladies are wont to gie. VI [‘But I heard a bonnie cow Low down in yonder fauld] And I moan for my young son I left in four nights auld. VII ‘I moan na for my meat, Nor yet for my fee; But I moan for Christen land; It’s there I fain would be.’ VIII ‘O nurse my bairn, nourice, Till he stan’ at your knee, An ye’s win hame to Christen land Whar fain it’s ye wad be. IX