Our request is, that you would by the bearer of these presents, returne an answere vnto vs, what you are determined to doe, at this our instant motion. Giuen as aboue. * * * * * A third letter of King Edward the second, to Haquinus King of Norway in the behalfe of certaine English Marchants. Magnifico Principi Domino Haquino Dei gratia Regi Norwegiæ illustri, amico suo charissimo, Edwardus eadem Dei gratia Rex Angliæ, dominus Hyberniæ, & dux Aquitaniæ, salutem cum dilectione sincera. Pro mercatoribus nostris Lennæ, & partium vicinarum, quos Balliuus & Officiarij vestri ciuitatis vestræ Bergen dudum ceperunt, & stricto carceri manciparunt, quorum multi vt iam intelleximus, propter alimentorum subtractionem & duritiam, ac asperitatem carceris perierunt, vt ipsorum & bonorum suorum deliberationem præcipere curaretis, vestræ serenitati Regiæ nostras nuper transmisimus literas speciales. Sed vos, retentis adhuc in carcere nostris mercatoribus sicut prius, nobis per literas vestras quas audiuimus & intelleximus diligenter, inter cætera rescripsistis, quod quidam mercatores de regno vestro de iniurijs, violentijs & arrestationibus, quibus in regno nostro his diebus sunt vt asserunt, contra iustitiam aggrauati, multipliciter conqueruntur, adijciendo in vestris literis memoratis, quod quidam iniquitatis filij in villa Lennæ, ad piscandum vt dicebant halecia venientes quendam militem Balliuum vestrum, in Vikia vnà cum decem alijs subditis vestris, in vestris & regni vestri negotijs existentibus crudeliter occiderunt. Super quibus mens nostra grauatur quàmplurimum & turbatur, præsertim quum nunquam nostræ fuerit voluntatis, quod iniuriæ, violentiæ, seu arrestationes aliquæ mercatoribus, vel alijs de regno vestro per aliquos de regno & potestate nostris fierent indebitè vel iniustè: nec adhuc intelligere possumus, quod mercatoribus vestris per aliquem vel aliquos de subditis nostris huc vsque aliter factum fuerit: Scientes pro certo quod si nobis per inquisitiones legitimas constare poterit huiusmodi grauamina subditis vestris infra regnum nostrum illata fuisse, nos sufficientes emendas, & satisfactiones debitas super illis, celerísque iustitiæ complementum fieri faciemus. Et insuper si malefactores prædicti, qui præfatum militem, & alios secum existentes, vt præmittitur, occiderunt, de regnò, seu potestate nostra sint, vel infrà idem regnum vel potestatem poterunt inueniri, de ipsis iudicium & iustitiam fieri pracipiemus, secundum Leges & consuetudines regni nostri. [Sidenote: Antiquitas comercij inter Angliam & Norwegiam.] Et quia inter nos & vos, nostrósque & vestros subditos hinc inde foueri desideramus mutuam concordiam & amorem; ita quod mercatores nostri & vestri mercandisas suas in nostris & vestris regnis & dominijs liberè, & absque impedimento valeant exercere, prout temporibus progenitorum nostrorum fieri consueuit, & ex dictarum literarum vestrarum