serie collegimus euidenter vos promptos esse similiter, & paratos ad omnia & singula, quæ pro vobis & vestris subditis super discordijs, contentionibus, aut grauaminibus inter nostros & vestros subditos qualitercunque suscitatis pro bono pacis & iustitiæ fuerint æquanimiter facienda; Nos consimilia pro nobis & nostris, quantum ad nos & ad ipsos attinet, illius amore, qui pacis author fore dinoscitur, & pro quiete & commodo populi vtriusque regnorum nostrorum, quatenus ius & ratio dictitauerint, promittimus nos factoros: Vestram amicitiam requirentes obnixius & rogantes, quatenus mercatores nostros prædictos, qui adhuc superstites relinquuntur, quos etiam tempore, quo dicta felonia committi dicebatur, interclusos tenebat custodia carceralis, iubere velitis nostri contemplatione, zelóque iustitiæ ab huiusmodi custodia liberari, bona ab ipsis capta eis prout iustum fuerit restitui faciendo. Et vt deliberatio mercatorum nostrorum prædictorum, & bonorum suorum eò facilius concedatur, placeat vobis cum diligentia debita ponderare, quod Galfridus Drewe, & quidam alijs mercatores nostri de Lenne, quibusdam mercatoribus de regno vestro occasione eiusdem grauaminis ipsis mercatoribus vestris, ad sectam Tidemanni Lippe infrà regnum nostrum, vt dicebatur, illati, centum libras sterlingorum persoluerunt, sicut in quodam scripto indentato inter Ingelramum Lende de Thorenden, & quosdam alios mercatores vestros ex parte vna, & præfatam Galfridum, & quosdam alios de regno nostro similiter ex altera confecto, vidimus contineri. Si qui verò de subditis vestris de aliquibus subditis nostris, de aliqua iniuria ipsis facta querelas in curia nostra deponere voluerint, & prosequi cum effectu, ipsorum subditorum vestrorum petitiones admitti, & eis super querelis huiusmodi plenam & celerem iustitia fieri faciemus. Ita quod ijdem subditi vestri exinde reputare debebunt meritò se contentos. Et interim de excessibus & grauaminibus subditis vestris infrà regnum nostrum qualitercunque illatis inquiri faciemus cum diligentia veritatem. Vestræ igitur voluntatis beneplacitum in præmissis nobis rescribere velitis per præsentium portitorem. Datas apud Westminster tertio die Aprilis. The same in English.