Maiestate vt vtramque beneuolentiæ vestræ rationem et communem nostris vniuersis, et priuatam huic nostro dilecto famulo, vtrisque deinceps dignetur tueri, atque conseruare. Neque nos quidem diffidemus, quin quem fauorem vestra Maiestas anteà sua sponte Antonio Ienkinson, tum quidem priuato ostendit, eundem nunc nostra rogatu eidem Antonio in nostrum iam famulatum cooptato benignè velit denuò declarere. Et proptereà petimus à vestra Maiestate, vt dignetur iterum concedere eidem nostro famulo literas suas commeatus, publicæ fidei, ac saluiconductus, quarum tenore, authoritate, atque præsidio, sit illi, familiaribus suis, et seruis, tutum, liberumque, cum mercibus, sarcinis, equis, et bonis suis vniuersis, inuehendis euehendísque, per vestra regna, domicilia, atque prouincias, proficisci, ire, transire, redire, abire, et istic morari, quandiu placuerit, et inde recedere quandocunque illi aut suis libitum fuerit. Et sicut non dubitamus, quin vestra Maiestas hæc omnia humanitatis grata officia, pro immensa bonitate suæ naturæ benignè et largiter huic famulo nostro sit concessura ita valdè optamus, adeóque petimus, vt vestra Maiestas eodem nostrum famulum, vnà cum omnibus suis familiaribus, ac bonis, exteris alijs principibus literis suis dignetur commendare, presertim verò atque seorsim Magno Sophi, Persarum Imperatori, in cuius etiam imperia et ditiones idem noster famulus gratia potissimè experiundi peregrina, commercia, proficisci vnà cum suis constituit. Confidimus igitur hæc omnia nostra postulata pro famuli spe, pro nostra expectatione, pro vestra bonitate, pro nostrorum utrinque subditorum commoditate, fausta illi, grata nobis, acccpta etiam vestræ Maiestati, et nostris vtrobíque perquam vtilia euasura. Deus vestræ Maiestatis, &c. Datum in celeberrima nostra Ciuitate Londini, anno mundi 5523. Domini ac Dei nostri Iesu Christi 1561. regnorum verò nostrorum tertio. The same in English