Sed de Nilo hoc loco pauca quædam retulisse haud abs re fuerit. Terra ipsa Ægyptus expers imbrium mire tamen fertilis, et hominum aliorumque perfoecunda generatrix. Nilus id efficit, amnium in internum mare permeantium maximus. Hic in Africæ desertis, montibus Lunæ ortus, haud statim Nilus est, et primum ingentem lacum Nilidem, qui nunc _Zaire_ et _Zembre_ dicitur, CXX. milliar. German. permeans, cum diu simplex sævusque receptis dextera magnis aquis descendit, Astapus cognominatus, quod Æthiopum lingua significat aquam è tenebris profluentem, circa Meroen, Insularum, quas innumeras lateque patentes spargit, clarissimam, lævo alveo Astabores dictus est, hoc est, ramus aquæ venientis è tenebris; dextero veto Astusapes, quod latentis significationem adjicit, nec ante, quam ubi rursum coit, Nilua dictus est. Inde partim asper, partimnavigia patiens; mox præcipiti cursu progressus, inter occursantes scopulos non fluere immenso fragore creditur, sed ruere. Postea lenis, et fractis aquis domitaque violentia, et spatio fessus, tandem ad [Greek: Delta] opidum per omnem Ægyptum vagus et dispersus, septem ingentibus ostiis in mare Ægytium se evomit. Bis in anno, certis diebus auctu magno per totam spatiatus Ægyptum, foecundus innatat terris. Causas hujus incrementi varias prodidere; sed maxime probabiles duas: Etefiarum eo tempore ex adverso flantium repercussum, ultro in ora acto mari: aut imbres Æthiopiæ æstivos, iisdem Etesiis nubila illò ferentibus ex reliquo orbe. Idem amnis unus omnium nullas expirat auras. _Libya exterior_. Cæterum à tergo Ægypti versus Meridiem, juxta sinistram Nili ripam, Libya est exterior ad Æthiopiam extensa: nunc est _Elfocat_ desertum et _Gaoga_. CAP. IV. _Cyrenaïca, Africa Minor, Libyæ deserta, Troglodytæ et Garmantes_. Ægypto annexa est Cyrenaïca regio, Ammonis oraculo maxime clara, nuunc Barchanæ provinciæ dimidia pars Orientalis, eadem Pentapolitana dicta, à quinque insignium urbium numero, quæ Berænice, Arsinoe, Ptolemais, Apollonia, et ipsa Cyrene, unde regioni nomen. Græci hanc condiderunt, ex Thera insula. Ægæi maris profecti. Ipsi Cyrenenses privata sorte inter Ægyptios ac Poenos diu egerunt; dein cum Carthaginiensibus de agrorum finibus magnum ac diuturnum bellum gesserunt. Mox Carthagine deleta, et ipsi cum reliqua Africa Romano Imperio cesserunt. Posthinc solum eorum Sultanis, tandem Turcis. _Africa Minor_. Sequitur Africa Minor sive proprie dicta. Terminatur à Septemtrione Africo pelago, ab Ortu sinu magnæ Syrtis, à Meridie montium perpetuis jugis; quibus à Libyæ desertis et Gætulis discernitur; ab Occasu Tusca amne. Continet hodie Tunetanum regnum. Fluvii in ea clari Cinyphus, Triton, Tritonidem paludem trahens: Catada, ad Carthaginem se devolvens, et Bagradas omnium maximas ad Vticam, ac Tuscaterminus Africæ Minoris.