Singulis autem annis in die coenae Domini in Parascheue, et in vigilia Paschae, tribus his diebus manet Tabernaculum hoc apertum continue, et patet omnibus Christianis gentibus accessus, alias vero non per annum sine redditione tributi. Intra Ecclesiam, prope parietem dextrum, est Caluariae locus, vbi crucifixus pependit Christus Dominus. [Sidenote: Tumba Godefridi de Bollion.] Per gradus ascenditur in hunc locum, et est rupis velut albi coloris, cum aliqua rubedine per loca commixta, habens scissuram, quam dicunt Golgotha, in qua maior pars preciosi sanguinis Christi dicitur influxisse: vbi et habetur altare constructum, ante quod consistunt tumbae Godefridi de Bullion, et aliorum Regum Christianorum, qui circa annum incarnationis Domini, 1100. debellauerunt et obtinuerunt sanctam vrbem cum tota patria ex manibus Sarracenorum, et per hoc conquisierunt sibi magnum nomen, vsque in finem saeculi duraturum. [Sidenote: Psal. 74. 12.] Prope ipsius crucifixionis locum continetur literis. Graecis hoc scriptum: [Greek: ho theos basileus haemon pro aionos eirgasato sotaerian en mesoi taes gaes]. hoc est dicere, Deus Rex noster ante secula operatus est salutem in medio terrae. Item directe in loco, vbi crux sancta stetit cum Christo rupi infixa, habetur hoc exaratum in saxo rupis: [Greek: ho horais esi basis taes piseos ton kosmon], hoc est, quod vides fundamentum est fidei mundi. [Sidenote: Iterum taxit ignorantiam vulge. Regina Helena Anglia.] Haud remote ab hoc Caluariae monte, habetur et aliud altare, vbi iacet columna flagellationis Domini, cui stant de propinque et ali coaelumnae quatuor de Marmore aquam iugiter resundantes, et (secundum opinionem simplicium) passionem innocentem Christie deflentes. Est sub isto altari crypta, 42. granduum profunda, vbi sancta Helena Regina reperit tres cruces, videlicet Christi, et latronum cum eo crucifixorum, ac etiam clauos crucis Domini in cryptae pariete. In medio autem chori huius Ecciesiae, est locus pauimenti stratus mire et pulchre, ad integram compassi figuram vbi depositum corpus Christi de cruce Ioseph ab Aramathia cum suis adiutoribus lauit et condiuit aromatibus. Item infra Ecclesiam a septentrionali parte ostenditur locus, vbi Christus Magdalenae apparuit post suam resurrectionem, quando eum credidit hortulanum. [Sidenote: Indorum Capella sive subditorum praesbiteri Ioannis.] A dextro autem latere ad ingressum Ecclesiae, habentur gradus 18. sub quibus est Capella Indorum, vbi soli peregrini de India per sacerdotes suos cantant iuxta ritum suum Missas, celebrantque diuina. Missam faciunt quidem breuissimam, conficientes in principio verbis debitis sacramentum corporis et sanguinis Christi de pane et vino, ac postea paucis orationibus additis, totum oratione Dominica concludunt officium. Hoc autem verum est, quod cum maxima attentione, reuerentia, humilitate et deuotione se gerunt et continent diuinis.