exquisitas, cum etiam e contra deberent secundum Christi sui doctrinam simplices, Deo deuoti, humiles, veraces, inuicem diligentes, inuicem concordantes, et inluriam de facili remittentes. Scimus etiam eos propter peccata sua perdidisse hanc terram optimam quam tenemus, nec timemus eam amittere, quamdiu se taliter gubernant. Attamen non dubitamus, quin in futurum per meliorem vitae conuersationem merebuntur de nostris eam manibus recuperare. Ad hoc ego vltra confusus et stupefactus, nequiui inuenire responsum; verebar enim obloqui veritati, quamuis ab Infidelis ore prolatae, et vultu prae rubore demisso percunctatus sum, Domine, salua reuerentia, qualiter potestis ita plene hoc noscere? De hominibus (ait) meis interdum mitto ad modum Mercatorum per terras, et regiones Christianorum, cum Balsamo, gemmis, sericis, ac aromatibus, ac per illos singula exploro, tam de statu Imperatoris, ac Pontificum, Principum, ac Sacerdotum, quam Praelatorum, nec non aequora, prouincias, ac distinctiones earum. Igitur peracta collocutione nostra satis producta, egressos principes in cameram reuocauit, ex quibus quatuor de maioribus iuxta nos aduocans, fecit eos expresse ac debite, per singulas diuisiones in lingua Gallicana destinguere per partes, et singuarum nomina partium, omnem regionem terrae Angliae, ac alias Christianorum terras multas, acsi inter nostros fuissent nati, vel multo tempore conuersati. Nam et ipsum Soldanum audiui cum ijs bene et directe loquentem idioma Francorum. Itaque in omnibus his mente consternatus obmutui, cogitans, et dolens de peccatis singulis, rem taliter se habere. Nunc pie igitur (rogo) consideremus, et corde attendamus, quantae sit confusionis, et qualis opprobrij, dum Christiani nominis inimici nobis nostra exprobrant crimina. [Sidenote: Insignis Mandeuilli peroratio.] Et student quilibet in melius emendare, quatenus (Deo propitio) possit in breui tempore, haec, de qua loquimur, terra Deo delecta, haec sacrosancta terra, haec filijs Dei promissa, nobis Dei adoptiuis restitui: vel certe, quod magis exorandum est, ipsi Sarraceni ad fidem Catholicam, et Christianam obedientiam, Ecclesiae filijs aggregari, vt simul omnes per Dominum nostrum Iesum Christum consubstantialem Dei filium perueniamus ad coelestem Paradisum. Explicit prima pars huius operis. The English Version.