Est autem et ibi ciuitas Landania, de qua nonnulli dicunt quod Noe illam fundauerat, et ciuitas magna Hany, in qua tempore Christianorum mille habebantur Ecclesiae. In illa Armenia sub Imperio Persiae est famosa ciuitas Tauris, vbi de mercimonijs ponderalibus fit inestimabilis mercatura. Hinc ad decem diates ad Orientem habeatur ciuitas Zadona, in ea Imperator Persarum moratur, et est in eodem imperio ciuitas valde magna Cassach, quae recto itinere dicitur store ab Hierosolymis 55. dietis. Geth ciuitas imperialis, et melior totius Persiae in hac terra noscitur esse, cum tamen Carnaa sit satis maior. Circa fines Persiae in terra Sennaar, est illa quae olim dicebatur Babylonia, nec apparet ibi aliquid, quam ruinae grandis et vetustae cuitatis, quae ab hominibus est deserta, sed a Draconibus inhabitata, et alijs animalibus, et volucribus venenosis. Hanc terram tenet Imperator Persarum, vt supra dixi. Etiam intra fines Persiae, est terra, vbi sanctus Iob patiens morabatur, quae modo dicitur terra Sues, in cuius montanis inuenitur Manna, quod venditur in Apothecis. Hunc terrae Sues contiguatur Chaldaea, quae non est magna, quamuis nobilis regio habeatur. Et ab ista intratur Amazonia. Amazonia est modica insula, quam absquae viris sofae regunt et inhabitant mulieres: cuius rei prima causa haec fuit. Olim cum insula communiter a viris, et mulieribus habitabatur, Rex eius dictus Colopius cum omnibus nobilibus suis in bello contra Regnum Scithiae occisus fuit. Audientes igitur nobilium vxores ipsius insulae se viduatas, super his, in doloroso furore animi ad plures congressiones occiderunt et fugauerunt omnes aliarum mulierum maritos, ne scilicet sua ingennitas subiaceret voluntati, et potestati plebis. Et tandem post reformatam inter se pacem mulieres inito consilio statuerum se solas absque viris dominari in terra, atque ex tunc sumi sibi regimen per certam electionis formam quae robusta, agilis, sapiens, iuuenis, ac valens apparet in armis. Sciendum tamen est, extra hanc insulam flumen esse, et alias modicas insulas, quarum vna dicitur Carmagite, de quibus licitum est ijs accessire viros, et amasios bis in anno, ita vt nulla moram trahat septem dierum naturalium sub poena indubitata occisionis. Infantem masculum nutrire licet quoadusque per se comedat et gradiatur, tunc transmittendus est in domum paternam. Generosae natae puellae aufertur ignito cultro vber sinistrum pro scuto gerendo, degeneri dextrum, ad sagittandum de arcu Turco. Regina cum consiliaribus et officialibus suis regit sapienter et bene terram, et seruat omnes sibi sub districta obedientia, per leges, et poenas, et amendas conscriptas. Et cum circumiacentium insularum Reges contra se ad inuicem proeliari solent, tunc Regina Amazoniae cum suis Nobilibus ab vna parte pro magno stipendio vocari solet in adiutorium, vbi et inuentae sunt sapientes in consilijs, probae in armis, acres in conflictibus, et in omnibus Curiae actibus bene valentes. CAPVT. 26.