'For I hae broucht as much white monie As gane[4] my men and me, And I broucht a half-fou o' gude red gowd, Out ower the sea wi' me.'] 'Mak haste, mak haste, my merry men a', Our gude ship sails the morn.' 'O say na sae, my master dear,[5] For I fear a deadly storm. 'Late, late yestreen, I saw the new moon Wi' the auld moon in her arm; And I fear, I fear, my master dear, That we will come to harm.' [They had na sailed a league, a league, A league but barely three, When the lift grew dark, and the wind blew loud, And gurly grew the sea. The ankers brak, and the topmasts lap, It was sic a deadly storm, And the waves cam o'er the broken ship, Till a' her sides were torn.] O our Scots nobles were richt laith To weet their cork-heeled shoon; But lang ere a' the play was played, Their hats they swam aboon.[6] [And mony was the feather-bed That flattered on the faem; And mony was the gude lord's son That never mair cam hame. The ladies wrang their fingers white, The maidens tore their hair, A' for the sake of their true loves, For them they'll see nae mair.] O lang, lang may the ladies sit, Wi' their fans into their hand, Or ere they see Sir Patrick Spence Come sailing to the land. O lang, lang may the ladies stand, Wi' their gold kames in their hair, Waiting for their ain dear lords, For they'll see them nae mair. Half ower, half ower to Aberdour,[7] It's fifty fathom deep; And there lies gude Sir Patrick Spence Wi' the Scots lords at his feet. [3] Only omitting the five verses supplied by Mr Hamilton, as they appear redundant. [4] Serve. [5] Variation in Scott: Now ever alak_e_, my master dear. [6] Variation in Scott: They wet their hats aboon. [7] Variation in Scott: O forty miles off Aberdeen.