Binnis is grinnis na zloyr Gil no zoid varzerk vlaa Mayd agis evycht sin leich Seng is ser no kness bayn Coythtyc is maaltor ban M’ O’Zwne bi vor boye In turri char hog swle O chorreich wr er a zroy Immin deit eyde is each Fer in neygin creach nar charre Gilli a bar gasga is seith Ach troyg mir a teich so glenn Glennschee. _Modern Gaelic._ A H ÙGHDAIR SO AILEAN M’RUADHRAIDH. Gleannsìth an gleann so ri’m thaobh, ’S am binn feidh agus loin, Is minig a rachas an Fheinn Air an t-srath so an deigh an con. An gleann so fa Bheinn Ghulbainn ghuirm. Is aillidh tulcha fo’n ghréin, Na sruthana a ruith gu dearg, An deigh shealg o Fhionn na Feinn. Eisdibh beag mar dh’fhalbh laoch, A chuideachd chaoimh so uam, Air Bheinn Ghulbainn ’us air Fionn fial, ’Us air M’ O’Dhuinn, sgeul truagh: Gur le Fionn fa truagh an t-sealg Air Mhac O’Dhuinn a’s deirge lith, Dhol do Bheinn Ghulbainn do shealg An tuire nach faodainn airm dhith. Le Mac O’Dhuinn an airm aigh, Do’m b’e gu’n torchradh an torc, Geillear roimhe, bu dh’fhoill Fhinn, Is e esan a rinn do lochd. Fear fa tharladh an gaol, Mac O’Dhuinn gràdh nan sgoil, Ach so an sgeul fa tursach mnathan, Gabhar leis do laimh an torc. Diongal do laoch na Feinn Do chuireadh e as a chnoc, An seann torc Sithe bu ghairbhe, Do fhac ballardaich na h-alla-muic. Suidhidh Fionn is deirge dreach, Fa Bheinn Ghulbainn ghlais an t-seilg, Do frith dh’ imich leis an torc, Mòr an t-olc a rinn a shealg. Ri clàisdeachd co-ghair na Feinn ’N uair ’s an arm a teachd fa ’ceann Eireas a bheisd o shuain, ’Us gluaiseas uath’ air a ghleann. Cuireas ri fàgail nan laoch, An seann torc ’us e air friodh borb, Bu gheire no gath nan sleagh, Bu treine a shaigh no gath bolga. Mac O’Dhuinn nan arm geur, Freagras leis a’ bheisd olc, O’ thaobh thriall trom, nimhneach, gath, Cuirear sleagh an dail an tuirc. Brisear a crann leis fa thri, Is i a crann fa rèir air a’ mhuc, An t-sleagh o bhos bhar-dhearg, bhlàth, Raitleis noch char e’ na corp. Tairngear an tan lann o’ truaill, Do choisinn mòr luaidh an arm, Marbhas Mac O’Dhuinn a’ bheisd, Do thainig e féin as slàn. Tuiteas sprochd air Fionn na Feinn, ’Us suidheas e ’s a chnoc, Mac O’ Dhuinn nach do dhiult daimh Olc leis a thighinn slàn o’n torc. Air bhith dha fada ’n a thosd, A dubhairt, ged a b’ olc ri ràdh, Tomhais, a Dhiarmaid o’ shoc, Cia meud troidh ’s an torc a ta. Char dhiult e athchuinge Fhinn, Olc leinn gun e theachd d’a thigh. Tombaisidh an torc air a dhruim, Mac O’Dhuinn nach trom troidh. Tomhais ’n a aghaidh a rìs,