"I dinna ken muckle about conducks an' signatures," said Pate, "but I trow there winna be mony syllables in some o' the names if a' the wardens hae signed your libelt; for I ken weel there's ane o' them whase edication brak aff at the letter G, an' never gat farrer. But I'm no ca'ing ye a leear, southron lord, ye may be a vera honest man; an' as your errand may be something unco express, ye had better post on." "It sal never be casten up to me neither in camp nor ha," said Dan, "that a stranger was cawed frae my auld father's door at this time o' the night. Light down, light down, southron lord, ye are a privileged man; an', as I like to see the meaning o' things, I'll ride wi' ye mysel the morn, fit for fit, to the castle o' Mountcomyn." The strangers were soon all on their feet, and ushered into the family circle, for there was no fire-place in the house but that one. They consisted of five stout troopers, well armed, a page, and a young nobleman, having the appearance of a youth about seventeen or eighteen years of age. Every eye was instantly turned on him, there was something so extraordinary in his appearance. Instead of a steel helmet, he wore a velvet cap, shaped like a crown, striped with belts, bars, and crosses of gold wire, and manifestly more for ornament than use. His fair ringlets were peeping in curls out from below his cap, and his face and bright blue eyes were lovely as the dawn of a summer's morning. They were not well seated till a noise of the tread of horses was again heard. "The warld be a-wastle us!" cried old Pate, "wha's that now? I think fouk will be eaten up wi' fouk, an' naething for folk's pains but dry thanks;--thanks winna feed the cat--" He was stopped in his regretful soliloquy by a rough voice at the door: "Ho, wha bauds the house?" The same answer was given as to the former party, and in a minute the strangers entered without law or leave. "Ye travel unco late, maisters," said old Pate: "How far may ye be for the night?" "We meant to have reached the tower of Gorranberry to-night," said one of the strangers, "but we have been benighted, and were drawn hither by the light in your hole. I fear we must draw on your hospitality till day." "Callant Peter, gang an' stap a wisp i' that bole," said Pate; "it seems to be the beacon light to a' the clanjaumphry i' the hale country. I tauld ye aye to big it up; but no ane o' ye heeds what I say. I hae seen houses that _some_ fouk whiles gaed by. But, my maisters, its nae gate ava to Gorranberry,--a mere haut-stride-and-loup. I'll send a guide to Bilhope-head wi' ye; for troth we hae neither meat nor drink, house-room nor stabling, mair about the toun. We're but poor yeomen, an' haud our mailin for hard service. We hae tholed a foray the night already, an' a double ane wad herrie us out o' house an' hauld. The warld be a' wastle us! I think a' the mosstroopers be abraid the night! Bairns, swee that bouking o' claes aff the fire; ye'll burn it i' the boiling."